Ɛsekeɛl 20:35 - mzwDBL

³⁵ Mɛɛ ba he ne pua hɛŋle ɡbo harɛ harɛre aa baro la taa, n ne he sie ɡba dɔŋa, ń bol he waa dɛ́ tɛr he deŋne.

Ɛsekeɛl 20:35 ပူးပေါင်းရင်းမြစ်များ

Yela 74:22

N Naa Korowii, ir nyu ne, dɛ́ nyiŋi he waa ta, dɛ́ dɔ waane bol, bɛ soh kɛŋɔ ɡɛna dɛ mamɛ saŋ bɛlbwa.

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Jeremia 2:35

he dɛ bol ŋɔ, he ta bolchɔɡe bɛlbwa dii, Korowii baah ta he nɛɛ dii, Kɛ men Korowii ɛɛ bol he waa dɛ́ pa bole, dɛkalkɛ he ŋɔ he ta wechɔɡa ɛɛ.

Jeremia 2:9

Anomanta, men Korowii, n ne he dɔɔ ja. Mɛɛ tɛr he bii ne he naanar deŋnee.

Jeremia 25:31

Nɛra baa lɔ harɛ jaɡa bwa ɛɛ no o nyɛɡa laanee. Korowii ne harɛre nɛra dɔɔ, wɛɛ bol nɛwɛnyina bwa waa dɛ́ pa bole, ásɛ dɛ kpoo nyubinikpeɡ tena.’ ” Korowiirii bola.

Jeremia 31:2

Israel tena baa ka baa wola sewɛ pua hɛŋle ɡbo ta la, mɛɛ sune ba nɛɛ. Mɛɛ ɡeloo ba bwara sɔɔh ba.”

Ɛsekeɛl 17:20

Mɛɛ harɔɔ belii dɛ́ lawɔ. Mɛɛ lawɔ kaa Babelɔn, dɛ́ tɛr o deŋne bela, dɛkalkɛ o le n habɔɔ.

Ɛsekeɛl 19:13

Taraken, pua hɛŋle ɡbo harɛ taa ba ka chɔɔro, harɛ waa hola nee aa wola toole o ta.

Ɛsekeɛl 20:36

Gɛ maa bol he naawa wa dɛ pa ba bole Sinai pua hɛŋle ɡbo harɛ ta la, ɡɛɛ mɛɛ ba heyaa ɛɛ. Men Nemenɛ Korowiirii bola.

Ɛsekeɛl 38:22

Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Hosia 2:14

Anomanta, mɛɛ lawɔɔ, dɛ́ kpɔɔ kaa pua hɛŋle ɡbo harɛ ta, dɛ́ ka kpɔ sɛmwobol ɡbɛɡbɛo.

Hosia 2:16

Awola tɔpere la, wɛɛ yer mɛ ‘n jaa’, waa men ‘n dɔɔ’ yerɛ kpa.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Maeka 4:10

Jerusalam tena, hé ɡbaɡre dɛ́ɛ pɛmɛ kohona, kɛŋɔ haah loltea aa lɔɔ. A chɛ kɛ he le bwɛjen nɔ ta, dɛ́ ka so kpɔɡ bini. A chɛ kɛ he dɔma lawɛ heya kaa bojaŋ harɛ Babelɔn, ásɛ mɔɔ Korowii ba lɛ heyaa le ba nɔn ta.

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.

1 Samoɛl 12:7

Name, hé che bonɔ, ásɛ n ɡel Korowii bol he be hé jemɛ nyokpowe-ɛɛla waa ɛa dɛ́ lɛ he ne he naawa la.