Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.
Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”
Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.
Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”
Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”
Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.