Ɛsekeɛl 20:32 - mzwDBL

³² He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Ɛsekeɛl 20:32 ပူးပေါင်းရင်းမြစ်များ

Ɛsekeɛl 11:5

Korowii Doma la baa so n nɛ, asɛ dɛ ŋɔ ń bol Israel tena be ŋɔ, “N jemɛ waa haa dɛ bol, ne anɔ la haa dɛ vɔrɔwe bwa ɡe.

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.

Daneɛl 5:4

Baa dɛ nyɔ sen la, dɛ ba dɛ kpɛɛ voɡa baa kpɔ suuɡaswɛm, ne suuɡapoŋa, ne bune, ne ayaawa, ne daa dɛ bwea ɛa la.

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Mmarare 4:28

Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Ɛsekeɛl 38:10

Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?

Jeremia 44:29

Anɔɔ ɛ waa dɛ́ baɡle kɛŋɔ bonɔɔ mɛɛ ba he deŋne tɛra, ásɛ he jemɛ kɛŋɔ kaeh maa dɛ kah heya ŋɔ mɛɛ chɔɡ heyaa la ɛ kasinteŋ.”

Aesaya 37:19

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

1 Samoɛl 8:5

dɛ ka ŋɔ, “Taraken he hwɛɛhrɔ, asɛ he bii la ɡe ta do kɛ hen, ba we-ɛɛla aa were. Nyin kooro tɛ yaa wɛɛ tɔ ya sie ɡɛ harɛre nɛra bwa aa dɔa la.”

Mmarare 29:17

He na voɡa aa ɛ kii kwaa ba kpɔ daa ne bwea ne suuɡapoŋa dɛ suuɡaswɛm ɛa.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 28:36

Mosis berɔ ŋɔ, “Wɛɛ kpɔ he ne he kooroo kaa harɛ he ne he naawa aa wola bela jemɛ, ásɛ he kaa tomɛ voɡa, kwaa baa kpɔ daa ne bwea ɛa.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Jeremia 2:25

Israel tena, he bɛ chwa dɛ́ foɡri he napaala pɛɛpɛɛ, ásɛ he lobi mune hol teŋa haa dɛ teŋɛ voɡare ane nɛɛ la wa. Kɛ he ŋɔ, ‘A ta tɔnɔ dɔe. Ya dɛ nyin harɛre ane voɡa wa, a chɛ kɛ yaa teŋɛ a nɛ.’

Yela 33:10

Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.