Ɛsekeɛl 20:28 - mzwDBL

²⁸ N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 20:28 ပူးပေါင်းရင်းမြစ်များ

1 Koranar 14:23

Ba ɡe cheɡ voɡa deŋɡarere ta, dɛ paaɡe bwea, dɛ kpɔ voɡ Asera dajaŋa paaɡe deŋɡare bɛlbwa ta ne dajen bɛlbwa mun.

2 Koranar 17:10

Ba kpɔ bwea ne dajaŋa paaɡe deŋɡarere dor, ne dajen bɛlbwa mun tɛ ba voɡ Asera dɛɛ tomɔ.

2 Koranar 17:12

Korowii do Israel tena la ŋɔ ba bɛ voɡa tomɛ, kɛ ba ɡe ɡarɔ toma.

2 Koranar 17:9

Waa aa ɡwaala kwaraa kɛŋɔ, Israel tena sɔɔh ɛ waa aa wola Korowii baa dɛ tomɔ tea toorɛ. Ba cheɡ voɡare ba bwɛjeɡre ne bwɛjena baa ma danjwɛɛre bara bwa ta.

Aesaya 65:7

ba ne ba naawa bwa wechɔɡa baa ɛa wa. Dɛkalkɛŋɔ ba fuh daawiile voɡa ta deŋɡarere dor, dɛ chɛɡre mɛ bela. Anomanta, mɛɛ tɛr ba deŋnee ɡɛ aa chɛa, ba wechɔɡa baa ɛa dɛ le saŋ la bwa wa.”

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 32:30

Israel ne Juda tena ta wobɛlbwa ɛɛ ka ja wechɔɡa baa ɛa dɛ le ba bechale saŋ n sie. Kasinteŋ, kwaa ba ɡbaɡba aa ɛa nɔɔra nee ba kpɔ muɡli n baah.

Ɛsekeɛl 16:19

He berɔ kpɔ men baa nama a kper kɛrɛdɛ ne ɔleve no, dɛ tohnoo maa kpɔa tɛɛ ŋɔ hé di la ɛ saraha tɛa a sie lɛ he nɛ. Gɛɛ a ɛ. Men Nemenɛ Korowiirii bola.

Ɛsekeɛl 16:24

he ta pwe, dɛ ma voɡ o do jaŋne chɔŋɛ o ta, o che fɔɡbaah nɛra bwa siwi ta.

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Ɛsekeɛl 20:29

Ate, n bɔɔ ba ŋɔ, ‘Bɔkwaa he kaa ɛ deŋɡarejena nɔ ta bela ɔ?’ Ba dɛ yerɛ bela ‘Bama’ ba le fini.

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Lewi Dea Tena 17:5

Gɛɛ dɛɛ ba ɡela Israel tena baa kpoo kwaa dɛɛ ɛ saraha kpɔɡ bini taraken nɔ ɡel a ɛɛ. Bá kpɔa ba sɔfo be n Dea Cheremibɔr bela n sie ba ɛ deŋnesɔɔhna saraha tɛ mɛ.

Josua 23:14

Josua ŋɔ, “N tɔpere telo kɛŋɔ n sewɛ. Hé bwa jemɛ he bambile ne he liire bwa bini kɛrɛdɛ kɛŋɔ wedɛɛɡa Korowii haa dɛ tomɔ la aa baɡɛ heyaa nyoa la bwa ɛɔ beŋkpoŋ kwaraa ta kae.