Ɛsekeɛl 20:18 - mzwDBL

¹⁸ N bol ba bii be pua hɛŋle ɡbo harɛ ta bela ŋɔ, ‘Hé nyiŋi kɛrɛdɛ dɛ bɛ he naawa we-ɛɛla kɛɛ mmarare kɛɛ ba voɡa nɛɛ teŋɛ, dɛ́ kpɔ doŋa kah he te.

Ɛsekeɛl 20:18 ပူးပေါင်းရင်းမြစ်များ

Yela 106:39

A cheɡɛ ba we-ɛɛla ta, ba kpɔ doŋa kah ba te, ba waa ta kasinteŋ dɔe tɛ hen Korowii.

Jeremia 11:10

Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 3:9

Aa wola Juda hae kɛ Israel waa waa ɛa ɛ wechɔɡa la, o bɔ jwamane dɛ kpɔ doŋa kah harɛ la, dɛ berɛ kaa tomɛ voɡare baa kpɔ daa ne bwea ɛa.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Ɛsekeɛl 18:14

Dɛ a ɡɛ nɛnchɔɡe nɔ dɔ bie, o na wechɔɡa o mɛɛ aa dɛ ɛ bwa, dɛ ɔmɛ o ta ɡɛ ɛɛ.

Ɛsekeɛl 18:19

He dɛ bɔɔ ŋɔ, ‘Ɛrɛɛ aa wola chɛɛ kɛŋɔ bie dɔ deŋnetɛra o mɛɛ wechɔɡa waɔ?’ Bie la waa toɡrɔ dɛ do wer, o teŋɛ me Mmarare la ta kɛrɛdɛ ken, anomanta, wɛɛ dɔ o nyuu kɛrɛdɛ.

Ɛsekeɛl 2:3

Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.

Ɛsekeɛl 20:7

N ŋɔ bá pa ba voɡa maa kia la ta, ba bɛ Ijipt harɛ ta voɡa nɛɛ teŋɛ, dɛ́ kpɔ doŋa kah ba te. Menee Korowii baa dɛ tom mɛ.’

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Nɛra Kura 14:31

He bii haa ŋɔa baa laɡ ba laa taa kaa la, mɛɛ la ba ne harɛ haa vɛah la taa bá ka na som dɛ́ di o tɔnɔ.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.