Ɛsekeɛl 20:1 - mzwDBL

¹ Gɛ saŋ baa lawɛ yaa laa ta kaa Babelɔn bene anuanɛ, korobie anue tɔpera fi ta la, Israel nomonome la bane balɔ, dɛ ba so men Ɛsekeɛl sie dɛɛ nyin dɛ́ jemɛ waa aa le Korowii be.

Ɛsekeɛl 20:1 ပူးပေါင်းရင်းမြစ်များ

2 Koranar 3:13

Anee Elaesa ŋɔ Israel Kooro Joram be ŋɔ, “Bɔkwa waa nee he ba dɛɛ nyin ń chae nɔ? La keamere he nya ne he mɛɛ aa la ba be la be.” Kooro Joram ŋɔ, “Akai! Korowiirii yerɛ ya koranar batoro nɔ bonɔ, dɛ kpɔ yaa ba do Moab laa tena nɔn ta.”

2 Koranar 6:32

Asɛ o tomɛ ŋɔ bá ka yerɛ Elaesa ba, dɛ o lɔ o dem Israel nomonome so o be. Torome la aa wola tele mɔɔ la, Elaesa ŋɔ nomonome la be ŋɔ, “He ta nae kɛŋɔ nɛn waa dɛ kpoo nɛra nɔ aa tomɛ nɛn ŋɔ ó ba kpo mɛ naa? Dɛ torome la balaa, hé laa ɡbera tɔ dɛ bɛ ɡel o dɔ bɔr jo. O dɔɔ kooro nakpale sio teŋɛ o nɛɛ wɛɛ ba.”

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Jeremia 21:2

“Bɔɔ le Korowii be tɛ yaa, dɛkalkɛ Babelɔn Kooro Nebukadnesa dɛ ba ba yo yaa. Korowii ken ɛɛ ɛ nyokpo waanee tɛ yaa kɛ saŋ la, ásɛ o berɛ habɔɔ kaa.”

Jeremia 37:17

A habɔɔ la, Kooro Sedekia tomɔ ba ba yer mɛ ba o be koodem. Asɛ o bɔɔ mɛ bokɛre ŋɔ, “Waane lole dɛ le Korowii be tɛ yaa kɛɛ?” Anee n chaŋe ŋɔ, “Waane lole, baa lawɛɛ tɛ Babelɔn kooro.”

Ɛsekeɛl 1:2

Korobie la tɔpenue weeree ɛ bene anue baa lawɛ Juda Kooro Jehoiachin laa ta kaa Babelɔn.

Ɛsekeɛl 20:2

Belaa Korowii bol waa n be ŋɔ,

Ɛsekeɛl 24:1

Baa lawɛ yaa laa ta kaa Babelɔn bene anuanaarɛ, korobie fi tɔpera fi ta habɔɔ la, Korowii bol waa men Ɛsekeɛl be ŋɔ,

Ɛsekeɛl 26:1

Bene fi dɛ beŋkpoŋ, korobiloɡle tɔpere waa tɔ sie baa lawɛ yaa laa ta kaa bojaŋ harɛfale ta la, Korowii bol waa men Ɛsekeɛl be ŋɔ,

Ɛsekeɛl 29:1

Baa lawɛ yaa laa ta kaa bojaŋ harɛfale ta bene fi, korobie fi tɔpera fi dɛ anɛ ta la, Korowii bol waa men Ɛsekeɛl be ŋɔ,

Ɛsekeɛl 29:17

Baa lawɛ yaa laa ta kaa bojaŋ harɛfale ta bene fifraanɛ dɛ anuanɛ, korobiloɡle tɔpere waa tɔ sie ta la, Korowii bol waa men Ɛsekeɛl be ŋɔ,

Ɛsekeɛl 30:20

Baa lawɛ yaa laa ta kaa bojaŋ harɛfale ta bene fi dɛ beŋkpoŋ, korobiloɡle la tɔpenuanɛ ta la, Korowii bol waa men Ɛsekeɛl be ŋɔ,

Ɛsekeɛl 31:1

Baa lawɛ yaa laa ta kaa bojaŋ harɛfale ta bene fi dɛ beŋkpoŋ, korobitooro te, tɔpere waa tɔ sie ta la, Korowii bol waa men Ɛsekeɛl be ŋɔ,

Ɛsekeɛl 32:1

Baa lawɛ yaa laa ta kaa bojaŋ harɛfale ta bene fi dɛ anɛ, korobie fi dɛ anɛ, tɔpere waa tɔ sie ta la, Korowii bol waa men Ɛsekeɛl be ŋɔ,

Ɛsekeɛl 40:1

Baa lawɛ yaa laa ta kaa bojaŋ harɛfale ta bene fifraanɛ dɛ anue ta, benfale tɔpera fi ta la, dɛ Jerusalam aa paɡra bene fi dɛ anaarɛ habɔɔ. Awola tɔpere laanee Korowii kpeɡri ba n nɛɛ dɛ kpɔ mɛ kaa Jerusalam.

Ɛsekeɛl 8:1

Baa lawɛ yaa kaa harɛfale ta bene anumɛl korobinumɛl tɔpenue ta la, dɛ men Ɛsekeɛl soɡe n dem, asɛ Juda tena nomonome la cheme n sie, asɛ Nemenɛ Korowii Doma den ba so n nɛ.

Ɛsekeɛl 8:11

Dɛ Israel nomonome fifraanuanɛ lɔ bela, asɛ Safan bibaa Jaasania ja ba nɛ. Ba bɛlbwa kpoŋe kon baa dɛ fuh daawiile a ta, chuu la sɔɔh do som dɛɛ kaa nyundua.

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Amanesoma Luk Aa Chwera Tɔn 10:39

Dɛ Maata dɔ o nime bihaah bɛl baa dɛ yerɔ Mɛɛre. Dɛ ɡɛ Mɛɛre nɔ, dɛ o soɡe Yeesu be dɛɛ no o webaɡla la.

Amanesoma Luk Aa Chwera Tɔn 2:46

A tɔpetooro wee la, ba kaa nao Korowii Dea, dɛ o ne Juu tena baa dɛ baɡle Korowii waa soɡo, wɛɛ no ba wa, dɛɛ bɔɔ ba wa.

Amanesoma Luk Aa Chwera Tɔn 8:35

Bela tena aa noa la, ba le ba bwɛɛre ta dɛ ba na waa aa chiɡa la. Baa ba Yeesu be la, dɛ baa la kondamanta fa aa lɔ o nɛɛ la, dɛ o kwaa la bwa kaalɔ, o liire ba harɛ, o do laala dɛ so Yeesu sie. Baa na ɡɛ waa nɔ la, ba ɔmɔ.

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.