Ɛsekeɛl 2:1 - mzwDBL

¹ Korowii ŋɔ n be ŋɔ, “Nɛwɛnyini bie, ir che ásɛ n bol waa he be.”

Ɛsekeɛl 2:1 ပူးပေါင်းရင်းမြစ်များ

Yela 8:4

nɛwɛnyini ɡee bɔkwa, asɛ hɛɛ lii o waɔ? Nɛwɛnyini ɡee bɔkwa, hɛɛ dawɛ o waɔ?

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Ɛsekeɛl 12:3

Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii.

Ɛsekeɛl 13:2

“Nɛwɛnyini bie, kah Israel keamere baa kpɔ ba ɡbabir liire dɛɛ bol waa aa dɛ ba bala la. Ŋɔ ba be ŋɔ, bá cheɡ deŋne, dɛ́ no waa maa dɛ bol.”

Ɛsekeɛl 14:13

“Nɛwɛnyini bie, dɛ harɛ bɛl tena waa ta kasinteŋ dɔe tɛ mɛ dɛɛ ɛɛ mɛ wechɔɡa aa, mɛɛ kpɔ nɔnee dawɛ ba nɛ, dɛ́ tɔ ba kondikwaa ŋwɛnɛ. Lɔr chole ba nɛ, ásɛ nɛra ne kondɛɛra bwa serewe.

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Ɛsekeɛl 15:2

“Nɛwɛnyini bie, bɔkwaa ɡrepo da kpale kpɔ ɡwaa daa aa lɔ kɔr bini bɛlbwa kpale ɔ?

Ɛsekeɛl 16:2

“Nɛwɛnyini bie, ɡel Jerusalam tena jemɛ kii waa baa ɛa.

Ɛsekeɛl 17:2

“Nɛwɛnyini bie, ka sɛɡle Israel tena

Ɛsekeɛl 2:3

Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

Ɛsekeɛl 2:8

Kɛ hen nɛwɛnyini bie, dɛɛ no waa maa dɛ bol he be nɔ. Bɛ deŋnekpeɡ ɛ kɛ ban. Hah nyoa dɛ́ lɛ kwaa maa kpɔa dɛɛ tɛɛ nɔ di.”

Ɛsekeɛl 20:3

“Nɛwɛnyini bie, ŋɔ Israel nomonome la be kɛŋɔ men Nemenɛ Korowii ŋɔ, ‘He balɔ dɛ́ ba bɔɔ dɛ́ na waa aa le n be kɛɛ? N ŋwɛɛrɔ kɛŋɔ maa lole saŋ bɛlbwa nɔ, maa ɡel he pɛɛ mɛ wobɛlbwa. Men Nemenɛ Korowiirii bola.’

Ɛsekeɛl 3:1

Korowii ŋɔ n be ŋɔ, “Nɛwɛnyini bie, di kon waa lɔ he sie nɔ, di tɔn nɔ, ásɛ dɛ ka bol waa baɡle Israel tena.”

Ɛsekeɛl 3:10

Korowii berɔ ŋɔ n be ŋɔ, “Nɛwɛnyini bie, cheɡ deŋne dɛ́ no waa maa dɛ bol he be nɔ kɛrɛdɛ.

Ɛsekeɛl 3:17

“Nɛwɛnyini bie, n kpɔe kɛ hɛɛ daah n nɛra Israel tena. Anomanta, cheɡ deŋne kɛrɛdɛ dɛ́ no n waa nɔ dɛ́ kah ba tɛ mɛ.

Ɛsekeɛl 3:4

Ate, o berɔ ŋɔ n be ŋɔ, “Nɛwɛnyini bie, name la Israel tena be ka bol n waa maa kpɔa tɛɛ la baɡ ba.

Ɛsekeɛl 37:3

O bɔɔ mɛ ŋɔ, “Nɛwɛnyini bie, hoɡa nɔ ɛɛ won berɛ ba ɛ nɛra dɛ́ dɔ mkpa ja aa?” Belaa n chaŋe ŋɔ, “Nemenɛ Korowii, he ɡboo dɛ́ won jemɛ.”

Ɛsekeɛl 4:1

Korowii berɔ ŋɔ men Ɛsekeɛl be ŋɔ, “Nɛwɛnyini bie, nyin berekese dɛ́ kpɔ bil he sie, ásɛ dɛ ɛ bwɛjen Jerusalam dawɛ o ta.

Ɛsekeɛl 40:4

Baa la ŋɔ n be ŋɔ, “Nɛwɛnyini bie, nyiŋi kɛrɛdɛ, dɛ́ cheɡ deŋne no waa maa dɛ ba he be bola nɔ kɛrɛdɛ, dɛkalkɛ a waa n ba he ne bonɔ. Ásɛ dɛ ka bol wobɛlbwa haa naa Israel tena be.”

Ɛsekeɛl 43:18

Nemenɛ Korowii berɔ ŋɔ n be ŋɔ, “Nɛwɛnyini bie, dɛ ba ɛ saraha kon la tonaa, ŋwɛnɛre baa che a ta dɛɛ fuh saraha kwaa dɛ́ kpɔ a chale dɛɛ merɛ o ta laanee teŋa nɔ.

Ɛsekeɛl 5:1

Korowii berɔ ŋɔ men Ɛsekeɛl be ŋɔ, “Nɛwɛnyini bie, kpɔ tokobi waa nyɛɡa kɛŋɔ fon dɛ́ fonɛ he nyu ne he tampona. Kpɔ kon maɡɛ pona la ɡɛ a tɔɡre aa doa, dɛ́ bɔne a bini bɔre atoro.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Daneɛl 10:11

Baa la ŋɔ n be ŋɔ, “Daneɛl, Korowii dɛ nyin he waa taeh. Ir che dɛ́ no waa maa dɛ ba he be bola nɔ kɛrɛdɛ. He bee ba tom mɛ.” Waa bol waa la n be la, n iro che dɛ n bwara ta dɛ sa.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Matiu 17:7

Asɛ Yeesu ba, dɛ ba kpɔ nɔn lɔ ba dɛ ŋɔ, “Hé ir che. He bɛ ɔmɛ.”

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

We-ɛɛla 26:16

Ir che! N dɛ nyin n lee ásɛ he ɛ n bonɔɔ dɛ valɛ dɛɛ bol waa haa naa fini nɔ, ne anɔ la haa naa kerekere la nɛra be. A waa n kpɔ n te chaɡle la.

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”