Ɛsekeɛl 19:7 - mzwDBL

⁷ O kuuɡi ba dekpeɡa dɛ chɔɡ ba bwɛɛre. O sio waa, dɛ ɔmee kohona chole harɛ la ta nɛra nɛ.

Ɛsekeɛl 19:7 ပူးပေါင်းရင်းမြစ်များ

2 Koranar 23:33

Ijipt Kooro baa dɛ yerɔ Neko yo Kooro Jehoahas, dɛ lawɔ bwɛjen Ribla waa lɔ Hamat harɛ ta, dɛ vɔrɔwo jɔɡrɔre ne, asɛ o kora dii jaɡɛ bela. Dɛ ɛɡre Juda tena lɛ toɔ suuɡapoŋa a tɔɡre aa ɛ kilore kaɡboŋa atoro lafraanaarɛ, ne suuɡaswɛm a tɔɡre aa ɛ kilore fifraatoro dɛ anaarɛ.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Sɛɡla 28:3

Kooro waa dɛ ɛ nyaara hɔhɔrɔwa la, do kɛŋɔ bwaala waa wola komɛlbwa kwaa ken.

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Ɛsekeɛl 12:19

Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa.

Ɛsekeɛl 19:6

Waa baa kpeɡ la, o pu o bala o ne aa valɛ dɛ hweli kpaahna, dɛ ɡe lawɛ nɛra dɛɛ chwe.

Ɛsekeɛl 19:8

Belaa harɛre nɛra pɛ dɛ ba yoo. Nɛra le bobɛlbwa dɛ ta ba asauri baro dɛ lawɔ.

Ɛsekeɛl 22:25

Ba koranar do kɛŋɔ nyujentena yon lawɛ ola dɛɛ kaa dɛɛ kɔɡre la. Ba dɛ kpoo nɛra, dɛ pa ba suuɡare ne ba kondɔɔh bwa, a che a ta luhaahna warɛ o ta.

Ɛsekeɛl 30:12

Mɛɛ ɡeloo nenabɔɔne aa su Nael Moo ta hweeh, ásɛ dɛ yoɡ harɛ la tɛ nɛnchɔɡa. Mɛɛ ɡeloo nɛŋhɔɔhra ba chɔɡ harɛ la, ne komɛlbwa aa lɔ o ta o chɔ pɛɛ. Men Korowiirii bola.”

Ɛsekeɛl 34:4

He ta anɔ la aa ɡwɛɡra nɛɛ nyiŋe, he ta a weela tena chaeh, kɛɛ dɛ jaɡre anɔ la baa doa bola ŋwɛra. He ta anɔ la aa yeŋa ne anɔ la aa nyoɡra ɡe bɔr nyine, dɛ ba a ne. Nyubinikpeɡ nee he nyiŋa.

Ɛsekeɛl 45:8

Gɛ harɛ nɔɔ dɛ́ ɛ kooro la kon Israel harɛ ta, ásɛ n koranar aa n nɛraa dɛɛ fiiɡi kpa, dɛ́ tɛ Israel dea bɛlbwa ŋwɛnɛ ó dɔ o harɛ ɡɛ aa chɛa.”

Emɔs 6:8

Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ, “N hah mbarafo Israel tena aa dɛ ɛ la, dɛ ki ba dekpeɡa baa soɡe a bini. Mɛɛ kpɔ bwɛjen la ne komɛlbwa waa lɔ o taa do ba dɔma nɔn ta.”

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.