Ɛsekeɛl 19:14 - mzwDBL

¹⁴ Nii le o kpale la bɛl ta dɛ fuh o ne o nɔna la bwa. Daa la kpale bɛlbwa toole dɛ do kpeɡri bá kpɔ ɛ koodaŋɡbala kpa.’ Wii aa chɛ kɛŋɔ bá wi laanee la.”

Ɛsekeɛl 19:14 ပူးပေါင်းရင်းမြစ်များ

Ɛsekeɛl 19:11

O kpala kpeɡri dɛ do wer kɛ bá kpɔ ɛ kooro daŋɡbala. O kpeɡo tɛr kaa nyundua baama bini, nɛra na ɡɛ waa kpeɡa dɛ dɔ papooni kohona.

Ɛsekeɛl 19:1

Korowii ŋɔ men Ɛsekeɛl be ŋɔ, “Go suna dii yel nɔ tɛ Israel koranar banɛ

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Amanesoma Jɔn Aa Chwera Tɔn 19:15

Anee ba nyɛɡ kohona ŋɔ, “Gel ba kpoo! Gel ba kpaaro pɛl daɡaɡre ta!” Asɛ Paelet bɔɔ ba ŋɔ, “He kooro ɡbabirii he ŋɔ ń ɡel ba kpaaro pɛl daɡaɡre ta naa?” Anee Sɔfonomonome la chaŋo ŋɔ, “Ya ta kooro bɛlbwa dɔe ka ja Koojen Siisa nɛ!”

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Hosia 10:3

Belaa baa ba ŋɔe ŋɔ, “Ya ta kooro dɔe, dɛkalkɛ ya ta Korowii duure. Ya dɔ kooro kwaraa naa, bɔkwaa o fe ɛɛ ba ɛɛ tɛ yaa ɔ?”

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Ɛsekeɛl 20:47

Bol kɔr la be ŋɔ men Nemenɛ Korowii ŋɔ, ‘Cheɡ deŋne dɛ no! N dɛ ba ɡela nii ba fuih, ásɛ dɛ chɔɡ he daa bwa, anɔ la aa hola ne anlwɛɛne bwa. Nomɛlbwa toole dɛ́ won dime nii la. Aa le weekaŋle harɛbɔree dɛ́ fuh ba kaa weekaŋle nyunduabɔr, ásɛ a nyaa nomɛlbwa.

Ɛsekeɛl 15:4

Dɛ ba kpɔɔ do nii ta o nyoo la fuh, o kabora la ta fueh chiɡ aa, o wer tɛ waane ja aa?

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Jeremia 52:3

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Jeremia 38:23

Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”

Yela 79:7

dɛkalkɛ ba kpoo he nɛra Israel tena, dɛ chɔɡ he harɛ.

Nehemia 9:37

Ya wechɔɡa nomanta, harɛ la ta kondikwaa bwa dɛ kaa koranar yaa lɔ ba lɔɡa be. Gɛ baa dɛ nyin laanee baa ɛ ya ne ya kondɛɛra, anomanta, ya lɔ wahala kohona ta.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Sitɔɔla 9:15

Asɛ o ŋɔ, ‘He dɛ nyin kɛ he cheɡ mɛ kooro aa, hé ba sɔh n chunchule ta. Dɛ ɡɛ laa tenaa, mɛɛ ɡeloo nii le dɛ́ ba fuh peleme daa aa lɔ Lɛbanɔn harɛ ta.’ ”

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Yela 110:2

Korowii ɛɛ tɛɛ kpeɡrii Saayɔn, ásɛ he di kora he dɔma baa bare cheme nɛ.

Ɛsekeɛl 17:10

Hale ba fuɡru ka chɔɔ bofale aa, wɛɛ won kpeɡ dɛ́ do wer ja aa? Dɛ wee leebɔr peuwɔb tao waa, wɛɛ sewɔɔ dɛ den hol che harɛ la ta bela.’ ”

Ɛsekeɛl 20:48

Nomɛlbwa ɛɛ nao kɛŋɔ men Korowiirii do nii la, bɛlbwa aa wola won dima bwa.’ ”

Ɛsekeɛl 26:17

Baa taa wiilee ŋɔ, ‘Ba chɔɡ bwɛjen o sɔn aa lea la. Ba pa o stiimaere bwa le mpo ta kaa. A ɡɛ nɛra baa soɡe bwɛjen nɔ ta laanee dɛɛ di kpeɡri mpo ta, dɛɛ aah nɛra baa soɡe o nyoa la.