Ɛsekeɛl 19:12 - mzwDBL

¹² Ba baah di o nɛɛ kohona, dɛ huɡru ɡo. Wee leebɔr peuwɔb tao dɛ ɡel o kpala la ne o nɔna la hol, nii fuh a bwa.

Ɛsekeɛl 19:12 ပူးပေါင်းရင်းမြစ်များ

2 Koranar 23:29

Gɛ saŋ Kooro Josia aa di kora la, Ijipt harɛ ta Kooro Neko kpɔ o laa tena ba Yufretis Moo ta ba cha Asiiria koojen. Kooro Josia kpɔ o laa tena ka pu Kooro Neko yo, asɛ Kooro Neko kpoo bwɛjen Meɡido.

2 Koranar 23:34

Ijipt Kooro Neko kpɔ Kooro Josia bibaa Eliakim chiɡ o mɛɛ naa ta, o di kora Juda harɛ. Kooro Neko charɛ Eliakim sɔn la dɛ pao Jehoiakim. Dɛ kpɔ Kooro Jehoahas kaa Ijipt harɛ ta, asɛ o ka sewɛ bela.

2 Koranar 24:6

Kooro Jehoiakim sewɔ ka pu o naawa, asɛ o bibaa Jehoiachin ba chiɡ o naa ta, dɛ di kora.

Yela 52:5

Anomanta, Korowii ɛɛ chɔɡee saŋ bɛlbwa dɛɛ la, dɛ́ ba jo he dem tɛre le, dɛ́ lawɛ le harɛ nɔ ta.

Yela 80:16

Ya dɔma chɔɡ yaa kɛŋɔ baa teŋe da, dɛ kpɔ do nii ta o fuh la ken. Gel he baah di ba nɛ, he chɔɡ ba.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 27:8

Laalee o kpɔ tɛr Israel tena deŋne, dɛ doŋ ba le ba harɛ ta kpeɡri ne kaa harɛfale ta, kɛŋɔ peuchɔɡe aa taa le wee leebɔr, dɛ kpɔ kwaa dɛɛ kaa la.

Jeremia 22:30

Waa Korowii aa dɛ bol laanee nɔ. ‘Chwerɛ baa nɔ waa do tɔne bini, dɛ́ kpɔɔ kɛŋɔ o ta bii dɔe, nɛn o wobɛlbwa aa wola werii do tɛo o soɡa bini bwa, waa naanaree dɔ, ba ba so Juda harɛ kara ta, Kooro Devid luɡe ta.’ ”

Jeremia 31:28

Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken.

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

Ɛsekeɛl 15:2

“Nɛwɛnyini bie, bɔkwaa ɡrepo da kpale kpɔ ɡwaa daa aa lɔ kɔr bini bɛlbwa kpale ɔ?

Ɛsekeɛl 15:4

Dɛ ba kpɔɔ do nii ta o nyoo la fuh, o kabora la ta fueh chiɡ aa, o wer tɛ waane ja aa?

Ɛsekeɛl 17:10

Hale ba fuɡru ka chɔɔ bofale aa, wɛɛ won kpeɡ dɛ́ do wer ja aa? Dɛ wee leebɔr peuwɔb tao waa, wɛɛ sewɔɔ dɛ den hol che harɛ la ta bela.’ ”

Ɛsekeɛl 19:11

O kpala kpeɡri dɛ do wer kɛ bá kpɔ ɛ kooro daŋɡbala. O kpeɡo tɛr kaa nyundua baama bini, nɛra na ɡɛ waa kpeɡa dɛ dɔ papooni kohona.

Ɛsekeɛl 28:17

He wer haa doa la ɡelɔ he ɛ mbarafo, dɛ chɔɡ he wejema, he nyanyini la wa. Anomanta, n taɡɛ ta harɛ a wa, ásɛ koranar na a ja ba.

Hosia 13:15

a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.

Jona 4:8

Wee aa baa baŋɛ la, Korowii ɡelɔ peuwɔb bɛl ta le wee leebɔr, wee ɡe do nyɛɡre dɛɛ lɔ Jona nɛɛ kohona, o fe ɛɛ ba sewa dɛ ŋɔ, “N sewɔ bɔ kɛŋɔ maa soɡe le.”

Matiu 3:10

He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

Mmarare 29:28

Bandia kohona nee Korowii ir ba le ba harɛ ta, dɛ ba taɡ ba ta hɔɔhra harɛ ta, ba ta do bela ba le fini la.’

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.