Ɛsekeɛl 18:25 - mzwDBL

²⁵ Kɛ he dɛ bol ŋɔ, men Korowii waa ta toɡrɛ. Israel tena, hé no, he dɛ lii kɛŋɔ men Korowii n waa ta toɡrɛ kɛɛ? He waa laa wola toɡraa?

Ɛsekeɛl 18:25 ပူးပေါင်းရင်းမြစ်များ

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Job Tɔn 15:13

he baah di Korowii nɛɛ kohona dɛ ɡel ɡɛ wobochɔɡa nɔ ɛɛ le he nyoa nɔɔ?

Job Tɔn 32:2

Belaa Barakɛl bibaa Elihu, o nabaa sɔne Ram, ba bwa le Bus dea. Elihu baah di Job nɛɛ kɛ waa ŋɔa ŋɔ o waa toɡrɔ ɡwaa Korowii la.

Job Tɔn 35:2

“Job, he dɛ lii kɛŋɔ waa nɔ toɡraa? He ŋɔ, ‘N Naa Korowii, ɛrɛɛ n bolchɔɡe dii ɛɛ ba wona ɛɛ nɔ?’

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Yela 50:6

Kwaa aa lɔ nyundua dɛ baɡle kɛŋɔ Korowii waa toɡrɔ, dɛkalkɛ onee bol nɛra waa dɛɛ pa bole.

Sɛɡla 19:3

Nɛŋɡɛnee dɛɛ chɔɡ o te, kɛ o yon berɛ kpɔ nya Korowii nɛ.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Ɛsekeɛl 18:26

Dɛ nɛn o wa aa toɡra le wedɛɛɡa ɛɛ ta dɛ ka ɛ wechɔɡa aa, wɛɛ sewɔɔ. O wechɔɡa waa ɛa la waa wɛɛ ba sewa.

Ɛsekeɛl 18:29

Kɛ he Israel tena dɛ bol ŋɔ, ‘Men Korowii ŋwɛnɛ ta toɡrɛ.’ He ŋwɛnɛree wola toɡrɛ.

Ɛsekeɛl 33:17

Kɛ he nɛra la dɛ bol men Korowii waa ŋɔ n waa ta toɡrɛ. Gɛ laa a do, ba waa wola toɡrɛ.

Ɛsekeɛl 33:20

Kɛ he Israel tena ŋɔ, ‘Men Korowii waa ta toɡrɛ.’ Mɛɛ nyiŋi he bini bɛlbwa we-ɛɛla taa dɛ́ bol o wa.”

Sefania 3:5

Korowii ta lɔ bwɛjen la bini, o waa toɡrɔ, waa wola wedoŋa nyin. Tɔpere bɛlbwaa wɛɛ di o nɛra kasinteŋ, waa wola habɔɔ le saŋ bɛlbwa, kɛ ane a bwa, sihiih aa wechɔɡ-ɛɛra baa lɔ o ta la kpo.

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Tɔn Pɔɔl Aa Chwerɛ Rom Tena 3:20

Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Tɔn Pɔɔl Aa Chwerɛ Rom Tena 3:5

Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.