Ɛsekeɛl 18:2 - mzwDBL

² “Ɛrɛɛ hɛɛ lii sɛɡla haa dɛ sɛɡle Israel harɛ ta ŋɔ, ‘Nya ne mɛɛ di ɡrepo nɔnnyɛɡa, asɛ ba bii nyena nyɛɡ nɔɔ?’ ”

Ɛsekeɛl 18:2 ပူးပေါင်းရင်းမြစ်များ

Job Tɔn 21:19

He bolɔ ŋɔ, ‘Korowii kwaa mɛɛ wechɔɡa dɛɛ cheɡ o bie.’ Korowii tɛr mɛɛ la ɡbaɡba deŋne o wechɔɡa la waa o na.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Aesaya 3:15

Ɛrɛɛ hɛɛ ɛ ɡɛ nɔɔ? Haa kɛrɛdɛ ɛ ɡɛ haa dɛ fɔɡɛ n nɛra, dɛ pa nyaara kwa, dɛ lawɛ ba sie dɛɛ teɡɛ harɛ nɔ. Men Korowii, Koranar Bwa Kooroo ŋɔa.”

Jeremia 15:4

Mɛɛ ɡeloo harɛre nɛra bwa bambile teŋe ba wa, waa Juda Kooro Hɛsɛkea bibaa Manasɛ aa ɛa Jerusalam la wa.”

Wiile 5:7

Ya naawa fa ɛ wechɔɡa dɛ bwa serewe kaa, kɛ taraken yanee bera dɔ a deŋnetɛra.

Ɛsekeɛl 12:22

“Nɛwɛnyini bie, sɛɡla Israel tena aa dɛ sɛɡle ŋɔ, ‘A dɛ biɡri, yaa wepila Korowii keamere aa dɛ baɡle ŋɔ aa bao la ɡe na.’

Ɛsekeɛl 16:44

Korowii ŋɔ, “Nɛra ɛɛ kpɔ ɡɛ sɛɡlaa dɛɛ bol he waa ŋɔ, ‘Jerusalam, ɡɛ nya aa doa la, ɡɛɛ o bihaah ɡe do.’

Ɛsekeɛl 17:12

“Bɔɔ deŋnekpeɡ tena la ba baɡle sɛɡla la mun.” Ŋɔ ba be ŋɔ, “Babelɔn kooro la Jerusalam, dɛ ka lawɛ bela kooro ne o nomonjena, dɛ kaa ba ne Babelɔn.

Ɛsekeɛl 18:1

Korowii ŋɔ men Ɛsekeɛl be ŋɔ,

Ɛsekeɛl 18:19

He dɛ bɔɔ ŋɔ, ‘Ɛrɛɛ aa wola chɛɛ kɛŋɔ bie dɔ deŋnetɛra o mɛɛ wechɔɡa waɔ?’ Bie la waa toɡrɔ dɛ do wer, o teŋɛ me Mmarare la ta kɛrɛdɛ ken, anomanta, wɛɛ dɔ o nyuu kɛrɛdɛ.

Ɛsekeɛl 18:3

Nemenɛ Korowii ŋɔ, “N ŋwɛɛrɔ kɛŋɔ n taa lole nɔ, haa ɡɛ sɛɡla nɔɔ sɛɡle Israel harɛ ta kpa.

Ɛsekeɛl 25:3

Ŋɔ ba be ŋɔ bá cheɡ deŋne dɛ́ no waa men Nemenɛ Korowii aa dɛ bol, ‘He sie lɛo kɛŋɔ baa kpɔ doŋa kah n Dea dɛ chɔɡ Israel harɛ bwa, dɛ lawa baa lawɛ Juda tena laa ta kaa bojaŋ harɛfale ta la.

Ɛsekeɛl 37:11

Ate, Korowii ŋɔ n be ŋɔ, “Nɛwɛnyini bie, Israel tena bwa do kɛ hoɡa nɔ. Ba dɛ bol ŋɔ ya hoɡa bwa loɡao, ya ta hwɛɡa bɛlbwa dɔe, ya toole wobɛlbwa bini.

Ɛsekeɛl 37:19

he ŋɔ men Nemenɛ Korowii ŋɔ, ‘Mɛɛ kpɔ daa waa ɛ Josef kon dɛ do Efrem nɔn ta dɛ ɛ Israel deene baa ja o nɛɛ laanee, dɛ́ kpɔ pɛ daa waa ɛ Juda kon la ta, á do n nɔn ta dɛ́ ɛ daa beŋkpoŋ.’

Ɛsekeɛl 37:25

Harɛ maa kpɔa tɛ n bonɔɔ Jekɔb la taa baa ba soɡa, harɛ ba naawa fa aa soɡe o ta la. Ba ne ba bii ne naanar, dɛ ba ɡe bii ɛɛ so o taa saŋ bɛlbwa dɛɛ la, ásɛ kooro waa do kɛ n bonɔɔ Kooro Devid ɛ ba kooro saŋ bɛlbwa dɛɛ la.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Matiu 23:36

Kasinteŋ, nɛndɛɛɡa baa kpoo ba la bwa waa ɛɛ ba ɡure fini nɛra nɔ nɛɛ!

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?