Ɛsekeɛl 18:17 - mzwDBL

¹⁷ Waa wechɔɡa ɛ, o kemɛ nɛn suuɡa aa, waa a nee lɛ. O dɛ teŋɛ me Mmarare bwa ta. O mɛɛ wechɔɡa la aa won ɡel o dɔ seo, wɛɛ dɔ o nyuu kɛrɛdɛ.

Ɛsekeɛl 18:17 ပူးပေါင်းရင်းမြစ်များ

Malakae 3:7

He ne he naawa bwaa berɛ habɔɔ kpo mɛ, dɛ vɛh me Mmarare ta teŋa. Hé berɛ ba n be, ásɛ n ɡe do sie he be. Kɛ he dɛ bɔɔ ŋɔ, ‘Ɛrɛɛ ya ɛ dɛ́ berɛ won ba he be nɔ?’

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Ɛsekeɛl 33:13

Dɛ n ŋɔ nɛn o wa aa toɡra be ŋɔ wɛɛ dɔ o nyuu, asɛ o kpɔ o te dawɛ toɡra o waa fa aa toɡra la ta dɛɛ ɛ wechɔɡa aa, maa o wedɛɛɡa waa ɛa wubwa la bɛlbwa liira ba. Wɛɛ sewɛ o wechɔɡa waa ɛa la waa.

Ɛsekeɛl 20:30

Nɛwɛnyini bie, bol Israel tena la be ŋɔ Men Nemenɛ Korowii ŋɔ, ‘He ɡee ɛ wechɔɡa he naawa aa ɛa, dɛ tomɛ voɡa maa kia, dɛ kpɔ doŋa kah ba te la anee kɛɛ?

Ɛsekeɛl 20:18

N bol ba bii be pua hɛŋle ɡbo harɛ ta bela ŋɔ, ‘Hé nyiŋi kɛrɛdɛ dɛ bɛ he naawa we-ɛɛla kɛɛ mmarare kɛɛ ba voɡa nɛɛ teŋɛ, dɛ́ kpɔ doŋa kah he te.

Ɛsekeɛl 18:28

O na wechɔɡa waa ɛa dɛ le a ta, wɛɛ dɔ o nyuu kɛrɛdɛ, waa wola sewɛ.

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Ɛsekeɛl 3:21

Kɛ dɛ he kah nɛn o wa aa toɡra o no, o ta wechɔɡa ɛɛ yaa, wɛɛ dɔ o nyuu, ásɛ he ɡe dɔ he nyu.”

Jeremia 22:16

O bol nyaara ne nɛŋɡwɛɡra waa tɛɛ ba, anomanta, o wobɛlbwa wer tɛo. Gɛ laa dɛɛ baɡle kɛ nɛn jemɛ men Korowii aa?

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Sɛɡla 29:14

Kooro waa bol nyaara waa dɛɛ tɛɛ ba aŋwɛnɛ ta la, o kora dɛ́ che dɛɛ biɡri.

Sɛɡla 29:7

Nɛn o wa aa toɡra la jemɛ waa aa wera tɛ nyaa, kɛ nɛnchɔɡe te waane laa o wa.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Job Tɔn 29:16

N do kɛŋɔ mɛɛ dɛ tɛ nyaara, dɛɛ cha hɔɔhra ba wa aa lɔ kɔɔto.

Lewi Dea Tena 18:30

Hɛɛ ɛ waa maa dɛ nyin, dɛ bɛ nɛra baa tɔ sie ba so harɛ nɔ ta la we-ɛɛla maa kia la ta teŋɛ, dɛ́ kpɔ doŋa kah he te. Menee Korowii haa dɛ tom mɛ la.”

Lewi Dea Tena 18:26

Hɛ́ɛ teŋɛ me Mmarare ne n waa maa dɛ do heyaa la bwa ta. Hé ne nɛŋhɔɔhra bwa baa soɡe he bini ta chɛ kɛ he teŋɛ waa baa kia nɔ ta dɛɛ ɛa,

Lewi Dea Tena 18:4

Hé nyiŋi kɛrɛdɛ dɛɛ teŋɛ me Mmarare ne waa maa dɛ do heyaa bwa ta. Men Korowiirii bola.

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Yela 119:1

Nɛra ba we-ɛɛla aa toɡra, baa teŋɛ Korowii Mmarare ta la, ba na som.

Ɛsekeɛl 18:18

O mɛɛ te, o ɛɡre o bala dɛ lɛ ba kwa, dɛ ɛ o nɛra wechɔɡa, wɛɛ sewɔɔ.

Yela 119:3

Baa wechɔɡa bɛlbwa ɛ, ba dɛ valɛ o ŋwɛnɛre waa baɡla la ta.