Ɛsekeɛl 18:16 - mzwDBL

¹⁶ kɛɛ waa nomɛlbwa fiiɡi, o kemɛ nɛn suuɡa aa waa kon lɛɛ dɛɛ cheɡ o buɡ ta. Waa ŋwɛ, o dɛ tɛ nɛn lɔr aa dɛ kpoo kondikwa, dɛɛ tɔ nɛn waa wola yal dɔe yal.

Ɛsekeɛl 18:16 ပူးပေါင်းရင်းမြစ်များ

Job Tɔn 22:6

He lɛ he dɔŋ kon cheɡ awɔba pɛɛpɛɛ, he laa o yal wur, o che dakpaŋ.

Job Tɔn 22:7

He vɔmɛ nɛra nyoɡre aa dɛ kpo ba ne, dɛ vɔmɛ nɛra lɔr aa dɛ kpo ba kondikwa,

Job Tɔn 31:16

Dɛ n vɛh nyaara pɛla kwaa kpɔe dɛ tɛɛ ba, kɛɛ dɛ ɡel luhaana hwɛɡa ta pɛɛ,

Job Tɔn 31:19

dɛ n na nomɛl waa dɛ ba sewa yal bɛ dɔe wa, kɛɛ nyaa waa wola komɛlbwa dɔe dɛ́ tɔ,

Job Tɔn 31:20

o ta andɛɛɡa sweerɛ tɛ mɛ, kɛ maa wola n peera pona kpɔe sɔh yal tɛo,

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Sɛɡla 25:21

He dɔm chɔ lɔr aa, tɛo kondikwaa ó di. O ta nee dɔe dɛ́ nyɔ aa tɛo ane.

Sɛɡla 31:20

Waa o ɡbo kon nyin, o dɛ ta tea dɛɛ tɛ nyaara ne nɛŋɡwɛɡra kwa.

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Ɛsekeɛl 18:15

Waa kwaa Israel tena aa dɛ kpoora dɛɛ tɛ ba voɡa bwejena dor la di, kɛɛ dɛɛ tomɛ voɡa. Waa o dɔŋ haah lawɛ dɛɛ chɔ,

Ɛsekeɛl 18:7

waa nomɛlbwa fiiɡi, o berɛ nomɛlbwa kon waa lɛa cheɡ mɔɔ dɛ kemɔ suuɡa la dɛɛ tɛo. Waa ŋwɛ, lɔr dɛ kpo nɛn aa, o dɛ tɛo kwaa wɛɛ di, nomɛlbwa waa wola yal dɔe la, o dɛ tɛo.

Matiu 25:35

dɛkalkɛŋɔ lɔr aa dɛ kpo mɛ la, he tɛ mɛ kondikwaa n di, nyɔɡre aa dɛ kpo mɛ la, he tɛ mɛ nee n nyɔ. Maa ɛ hɔɔh la, he kpɔ mɛ kaa he deremi,

Matiu 25:36

maa valɛ mumɡbal la, he tɛ mɛ yal n tɔ. N bwara wee mɛ, he nyiŋi n nɛ, asɛ baa do mɛ dea ɡe la, he kaa na mɛ.’

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Amanesoma Luk Aa Chwera Tɔn 14:13

Dɛ he ɛ ɡɛ kondikwaa nɔ soo siwi aa, yerɛ nyaara ne boobie ne nɛra ba nakpale aa teŋna, ne nyoŋa bá ba di,