Ɛsekeɛl 18:14 - mzwDBL

¹⁴ Dɛ a ɡɛ nɛnchɔɡe nɔ dɔ bie, o na wechɔɡa o mɛɛ aa dɛ ɛ bwa, dɛ ɔmɛ o ta ɡɛ ɛɛ.

Ɛsekeɛl 18:14 ပူးပေါင်းရင်းမြစ်များ

2 Koranar 22:1

Juda Kooro Josia aa di kora dɛ o dɔ bene anuatoro. O soɡe Jerusalam dɛ di kora bene fifraatoro dɛ beŋkpoŋ. O nya sɔne Jedida dɛ le bwɛɛ bɛl baa dɛ yerɔ Boskat. O nya la mɛɛ sɔne Adaya.

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

2 Webena 34:21

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

Sɛɡla 17:21

Biɡɛne lola dɛ we, silɛɛ toole tɛ o mɛɛ.

Sɛɡla 23:24

Nɛn o wa aa toɡra mɛɛ sie dɛ lɛ, nomɛlbwa waa lolɛ biwejereme la, sie dɛ lɛ o nɛ.

Aesaya 44:19

Ba bini bɛlbwa toole dɛɛ lii wa, bɛlbwa ta wejema dɔe dɛ́ no a mun dɛ́ ŋɔ, “Daa nɔ tentenee n mar, dɛ kpɔ o hɔla dɛɛ daa kondikwa, dɛ wɔɔ ol a ta dɛ chwe. O pera chɛ kɛŋɔ ń kpɔ ɛ kii kon aa? A chɛ kɛŋɔ ń ɡuŋi dakpul aa?”

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Jeremia 8:6

N cheɡ deŋne dɛɛ no ba be, kɛ baa kasinteŋ bol. Nomɛlbwa aa lii kɛŋɔ wɛɛ charɛ o liiree dɛ́ bɔɔ ŋɔ, ‘Bɔkwa waa n ɛɔ?’ Bɛlbwa ne o ŋwɛnɛ waa dɛ kpɔ o taa kɛŋɔ jaaɡɔ o sie aa beɡra baa kaa o ne laa ta ken.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Ɛsekeɛl 18:10

Dɛ nɛn o wa aa toɡra dɔ bichɔɡe wɛɛ kpoo nɛra, kɛɛ wɛɛ ɛ a ɡɛ waa nɔ bini bɛlbwa

Ɛsekeɛl 18:15

Waa kwaa Israel tena aa dɛ kpoora dɛɛ tɛ ba voɡa bwejena dor la di, kɛɛ dɛɛ tomɛ voɡa. Waa o dɔŋ haah lawɛ dɛɛ chɔ,

Ɛsekeɛl 18:28

O na wechɔɡa waa ɛa dɛ le a ta, wɛɛ dɔ o nyuu kɛrɛdɛ, waa wola sewɛ.

Ɛsekeɛl 20:18

N bol ba bii be pua hɛŋle ɡbo harɛ ta bela ŋɔ, ‘Hé nyiŋi kɛrɛdɛ dɛ bɛ he naawa we-ɛɛla kɛɛ mmarare kɛɛ ba voɡa nɛɛ teŋɛ, dɛ́ kpɔ doŋa kah he te.

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.

Haɡae 1:5

Kenii Koranar Bwa Kooro ŋɔ, “Hé nyiŋi he waa bini kɛrɛdɛ.

Haɡae 1:7

Koranar Bwa Kooro ŋɔ, “Hé nyiŋi he waa bini kɛrɛdɛ.

Haɡae 2:18

Hé nyiŋi le fini dɛɛ kaa, korobinuanaarɛ nɔ tɔpera fifraanɛ dɛ anaarɛ nɔ haa pa Korowii Dea nɔ mun nɔ, dɛ́ na waa aa dɛ ba bala.

Matiu 23:32

Hé takapɔ dɛ ɛ wechɔɡa la he naawa aa pa mun ɛa la ka tonɛ.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.