Ɛsekeɛl 18:13 - mzwDBL

¹³ O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Ɛsekeɛl 18:13 ပူးပေါင်းရင်းမြစ်များ

1 Koranar 2:37

Awola haa le Jerusalam, dɛ́ ka ɡale Kedrɔn nenabɔjen la, jemɛ kɛŋɔ he sewee, dɛ he ɡbaɡbaa nyin he seo.”

Job Tɔn 34:11

O dɛ bɔ nɛwɛnyini waa waa ɛa kem, dɛɛ ba waa ne o nɛɛ ɡɛ o we-ɛɛla aa doa.

Kaala 22:25

A hiah n nɛra baa ɛ he bini bane nɔ bɛlbwa he kemɔ suuɡa aa, he bɛ a nee kpɔ dawɛ kɛŋɔ nɛra baa dɛ kemɛ suuɡa yon dɛɛ ɛ la.

Ɛsekeɛl 18:17

Waa wechɔɡa ɛ, o kemɛ nɛn suuɡa aa, waa a nee lɛ. O dɛ teŋɛ me Mmarare bwa ta. O mɛɛ wechɔɡa la aa won ɡel o dɔ seo, wɛɛ dɔ o nyuu kɛrɛdɛ.

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

Ɛsekeɛl 18:28

O na wechɔɡa waa ɛa dɛ le a ta, wɛɛ dɔ o nyuu kɛrɛdɛ, waa wola sewɛ.

Ɛsekeɛl 18:32

N sie aa lɛ kɛ nomɛlbwa sewɛ. Hé charɛ he liire, ásɛ dɛ dɔ he nyu! Men Nemenɛ Korowiirii bola.”

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Ɛsekeɛl 33:8

N ŋɔ wechɔɡ-ɛɛ be ŋɔ wɛɛ sewɔɔ, asɛ he ta on kaeh o le o wechɔɡa ta, dɛ sewɛ a ta naa, mɛɛ pɛɛ o chal waa le he be.

Lewi Dea Tena 20:27

Baa kɛɛ haah bɛlbwa waa dɔ daabii dɛɛ bol waa lala be dɛ do he bini la chɛ kɛŋɔ hé foɡro bwea kpo. Naate seo ɡe dɛ ɡure o nyu ta.”

Lewi Dea Tena 20:9

Nomɛlbwa waa taah o mɛɛ kɛɛ o nya la chɛ kɛ bá kpoo. Naate wechɔɡa ɡure o nyu ta.

We-ɛɛla 18:6

Dɛ nɛra la dɛ nyin Pɔɔl toma chɔɡa, dɛɛ ɛo nɛnhɛla. Anomanta, o jwii o laala doŋa ta dɛ baɡle kɛ o baɡ ba Korowii waa asɛ ba vɛah, dɛ ŋɔ ba be ŋɔ, “Dɛ he nyoɡraa, nɛn laa ɛ heya, he ɡbaɡbaa ɛ he nyu. Le fini dɛɛ kaa, nɛra baa wola Juu tena ɛɛ mɛɛ ba Korowii waa baɡla. Maa he bee ba kpa.”