Ɛsekeɛl 17:7 - mzwDBL

⁷ Dɛ keejen bɛl ɡe lole o kena do kpeɡri, o pona jaŋne dɛ do wer. Grepo daa la lune tɛrɔ kpɔ harɛ bini kaa kee la be, dɛ berɛ tɛr o kpala ɡe kaa o be dɛɛ lii kɛŋɔ wɛɛ dɔ nee le o be.

Ɛsekeɛl 17:7 ပူးပေါင်းရင်းမြစ်များ

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

2 Webena 26:13

Laa tena kaɡboŋa lafraatoro dɛ banuanɛ lafraanue baa dɛ ba wona yo kooro dɔma tɛo kɛrɛdɛ la lɔ ba lɔɡa.

Ɛsekeɛl 17:15

Kɛ Juda kooro la ɛ deŋnekpeɡ dɛ ŋɔ waa won do Babelɔn kooro lɔɡa, asɛ o tomɛ toroma Ijipt harɛ ba ka kpɔ jaɡre ne laa tena baa wara ba. Aa won maɡre tɛo waa? Wɛɛ won le a nyoa aa? Wɛɛ won chɔɡ o ne o baah fɔo la waa wola deŋnetɛraa dɔ aa?

Ɛsekeɛl 17:6

O leɔ dɛ pi harɛ kɛŋɔ ɡrepo da. O kpala la kaa nyundua dɛ chaɡɛ kee la nɛ, asɛ o lune te kaa harɛ bini. O ta kpala dɛ moɡɛ papooni.

Ɛsekeɛl 17:8

Harɛdɛɛɡe taa ba duu, o che bela nee aa lole kohona, ó won ta kpala dɛ nɔnɛ dɛ́ do wer kɛrɛdɛ.’

Ɛsekeɛl 31:4

Nee lɔ bela dɛ́ ɡel o kpeɡ, a bulo le harɛ bini dɛ ɡel o kpeɡ dɛ do jaŋne, dɛ sɔɔh o mun bela waa cheɡa la. Dɛ palɛ kaa jo daa aa cheɡɛ kpɔɡ bini bela la baah ta.