Ɛsekeɛl 17:6 - mzwDBL

⁶ O leɔ dɛ pi harɛ kɛŋɔ ɡrepo da. O kpala la kaa nyundua dɛ chaɡɛ kee la nɛ, asɛ o lune te kaa harɛ bini. O ta kpala dɛ moɡɛ papooni.

Ɛsekeɛl 17:6 ပူးပေါင်းရင်းမြစ်များ

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

Yela 80:8

He lawɛ yaa le Ijipt harɛ ta, kɛŋɔ haa teŋe ɡrepo da, dɛ ba doŋi harɛ la nɛra le o ta, dɛ kpɔ yaa chɔɔ bela.

Aesaya 18:5

Kwaa koma aa wola tele mɔɔ kwaa fee chure asɛ daa nɔna la ɛɛ swɛɛ la, Korowii ɛɛ teŋni kpala nɔna aa saɡre a ta laanee bil, ásɛ dɛ kpɔ kere kuu a kpala la le a ta.

Ɛsekeɛl 17:14

ɡɛ aa ɛ ásɛ harɛ la mule, dɛ bɛ won kaa sie kpa, ásɛ a che o ne o fɔo la ɡbo ta mɔɔ ó berɛ won che.

Ɛsekeɛl 17:5

O kpɔ Israel harɛ ta konduuli bii ka du harɛdɛɛɡe bɛl ta. O duu kɛŋɔ nee nyoa da, bela nee aa lole kohona.

Ɛsekeɛl 17:7

Dɛ keejen bɛl ɡe lole o kena do kpeɡri, o pona jaŋne dɛ do wer. Grepo daa la lune tɛrɔ kpɔ harɛ bini kaa kee la be, dɛ berɛ tɛr o kpala ɡe kaa o be dɛɛ lii kɛŋɔ wɛɛ dɔ nee le o be.

Ɛsekeɛl 19:10

He nya fa do kɛŋɔ ɡrepo daa dɛ che nee nyoa. Nee aa lɔ bela kohona nomanta, o dɔ papooni kɛrɛdɛ dɛ won nɔna ɡe.

Ɛsekeɛl 29:15

Wɛɛ ɛ kora waa wola kpeɡrii do kpa harɛre koranar bwa bini. Waa ir dɛ́ do kpeɡri dɛɛ nyiŋi harɛfala ane ta kpa.

Matiu 13:26

Kwaa la bwa aa lea dɛ kpeɡ la, a bie ɛɛ taa ba che jemɛ kɛ kpɔɡchɔɡa koo mea la ta.