Ɛsekeɛl 17:5 - mzwDBL

⁵ O kpɔ Israel harɛ ta konduuli bii ka du harɛdɛɛɡe bɛl ta. O duu kɛŋɔ nee nyoa da, bela nee aa lole kohona.

Ɛsekeɛl 17:5 ပူးပေါင်းရင်းမြစ်များ

2 Koranar 24:17

Babelɔn Kooro Nebukadnesa cheɡ Kooro Jehoiachin mɛɛ nime baa dɛ yerɔ Matania kooro, o so Kooro Jehoiachin buɡ ta, dɛ ɛ Juda harɛ kooro. Dɛ beɡre Matania sɔn Sedekia.

Aesaya 15:7

Ba cheɡɛ ba kondɔɔh baa dɔa bwa ɡale Dajaŋa Nenabɔɔ, dɛɛ ba kpɔe ka sɔh.

Aesaya 44:4

Baa kpeɡuu kɛrɛdɛ kɛŋɔ kpɔɡa aa lɔ harɛsɔn ta, ne dajaŋa aa cheɡɛ nee nyoa ken.

Jeremia 12:2

Ba do kɛŋɔ daa he kpɔ ba du, he nyiŋi ba nɛɛ ba kpeɡ dɛ dɔ lune dɛɛ nɔnɛ. Ba nyoo ɡbo nee baa kpɛɛre, kɛ he waa toole ba bambile bini.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Ɛsekeɛl 17:13

O lawɛ koodem nɛra la bɛl o ne o fɔwɛ fɔo, asɛ Babelɔn kooro ŋwɛɛ baɡlo, dɛ berɛ lawɛ nomonome baa chɔ harɛ la nyoa ɡe ja kaa,

Ɛsekeɛl 17:4

dɛ kuu, dɛ kpɔ kaa bonadiire harɛ ta dɛ ka chɔɔro o bwɛjen bɛl ta.

Ɛsekeɛl 17:6

O leɔ dɛ pi harɛ kɛŋɔ ɡrepo da. O kpala la kaa nyundua dɛ chaɡɛ kee la nɛ, asɛ o lune te kaa harɛ bini. O ta kpala dɛ moɡɛ papooni.

Ɛsekeɛl 31:4

Nee lɔ bela dɛ́ ɡel o kpeɡ, a bulo le harɛ bini dɛ ɡel o kpeɡ dɛ do jaŋne, dɛ sɔɔh o mun bela waa cheɡa la. Dɛ palɛ kaa jo daa aa cheɡɛ kpɔɡ bini bela la baah ta.

Ɛsekeɛl 31:5

Gɛɛ a do o kpeɡ kaa nyundua kohona ɡwaa daa aa cheɡɛ kpɔɡ bini bwa. Nee aa lɔ bela kohona nomanta, o kpala la tɛrɔ dɛ do kan kaa nyundua.