Ɛsekeɛl 17:20 - mzwDBL

²⁰ Mɛɛ harɔɔ belii dɛ́ lawɔ. Mɛɛ lawɔ kaa Babelɔn, dɛ́ tɛr o deŋne bela, dɛkalkɛ o le n habɔɔ.

Ɛsekeɛl 17:20 ပူးပေါင်းရင်းမြစ်များ

2 Samoɛl 18:9

Absalɔm soɡe keeɡo bie ta dɛ den cheme kooro laa tena la, dɛ keeɡo la dɛ jo dajen bɛl lɔɡa, asɛ Absalɔm nyu ka karɛ daa la kpala ta. O saɡɛ daa la ta, asɛ keeɡo la na tɛr do dɛɛ kaa.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

Job Tɔn 10:16

N ɛ wedɛɛɡa n baŋa pa kwaraa naa, he dɛ bɛɛ mɛ kɛŋɔ nyujente, dɛɛ aah mɛ dɛ́ do mɛ bol he nyokpowe-ɛɛla ne.

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Jeremia 2:35

he dɛ bol ŋɔ, he ta bolchɔɡe bɛlbwa dii, Korowii baah ta he nɛɛ dii, Kɛ men Korowii ɛɛ bol he waa dɛ́ pa bole, dɛkalkɛ he ŋɔ he ta wechɔɡa ɛɛ.

Jeremia 2:9

Anomanta, men Korowii, n ne he dɔɔ ja. Mɛɛ tɛr he bii ne he naanar deŋnee.

Jeremia 34:21

Mɛɛ lawɛ Juda Kooro Sedekia ne o nomonomee tɛ ba dɔma baa dɛ nyin ba dɛ́ kpoo laanee, dɛ Babelɔn kooro laa tena baa ŋɔa ŋɔ baa heya ba yo kpa la.

Jeremia 37:17

A habɔɔ la, Kooro Sedekia tomɔ ba ba yer mɛ ba o be koodem. Asɛ o bɔɔ mɛ bokɛre ŋɔ, “Waane lole dɛ le Korowii be tɛ yaa kɛɛ?” Anee n chaŋe ŋɔ, “Waane lole, baa lawɛɛ tɛ Babelɔn kooro.”

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Wiile 1:13

Korowii ɡelɔ nii le nyundua dɛ ba jo n bini fuh n hoɡa. O har mɛ bel dɛ ɡel n chole harɛ, asɛ dɛ ɡel mɛ bela, n do weweele ta tɔpere bɛlbwa.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Ɛsekeɛl 12:13

Mɛɛ ta asawii dɛ́ lawɔ, dɛ́ kpɔɔ kaa bwɛjen Babelɔn ta waa wola belaa na dɛ́ sewɛ bela.

Ɛsekeɛl 15:8

Mɛɛ ɡeloo harɛ la chɔ pɛɛ, dɛkalkɛ ba waa ta kasinteŋ dɔe tɛ mɛ. Men Nemenɛ Korowiirii bola.”

Ɛsekeɛl 17:19

Nemenɛ Korowii ŋɔ, “N ŋwɛɛrɔ kɛ n taa lole nɔ, mɛɛ tɛr o deŋnee, chɔɡa waa chɔɡ n ne o fɔo ne ŋwɛɛra waa ŋwɛɛra baɡ mɛ la wa.

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

Ɛsekeɛl 32:3

Anomanta, mɛɛ ta asawii lawɛ, ásɛ dɛ ɡel nɛra warɛ, dɛ́ tɛɡre ba ta baŋ.

Ɛsekeɛl 38:22

Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.

Hosia 2:2

Korowii ŋɔ Israel tena be ŋɔ, “N bii, hé soŋe he bala baa do kɛŋɔ haah o jwamane nomanta, n haah naa wola on ɛɛ, o ɡe jaa laa men la, ó ɡel o bannyin la, dɛ́ ɡel jwamanwaa la.

Hosia 7:12

Mɛɛ ta asawii dɛ́ laɡ ba, kɛŋɔ baa dɛ lawɛ jumbii ken, dɛ́ tɛr ba deŋne wechɔɡa baa ɛa la wa.

Maeka 6:2

Bwejena ne kwaa bwa haa le saŋ la bwa do le dɛ lawɛ harɛ kpoŋe ɡe, hé no. Korowii ne o nɛra Israel tena dɔɔ, wɛɛ ba ba waa bola dɛ́ pa bole.

Amanesoma Luk Aa Chwera Tɔn 21:35

dɛkalkɛ o bala tɔpere la ɛɛ piɡri nɛra baa lɔ harɛ nɔ ta bobɛlbwaa.