Ɛsekeɛl 17:13 - mzwDBL

¹³ O lawɛ koodem nɛra la bɛl o ne o fɔwɛ fɔo, asɛ Babelɔn kooro ŋwɛɛ baɡlo, dɛ berɛ lawɛ nomonome baa chɔ harɛ la nyoa ɡe ja kaa,

Ɛsekeɛl 17:13 ပူးပေါင်းရင်းမြစ်များ

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Aesaya 3:2

dɛ́ chɔɡ ba banyoola ne laa tena, ne nɛra baa bol ba waa dɛɛ pa bole ne ba keamere ne ba voɡra, dɛ nomonome,

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 29:2

N chwerɛ tɔn nɔ ɡɛ saŋ baa lawɛ Kooro Jehoiachin ne o nya ne koodem nomonome, ne Juda ne Jerusalam nomonome, ne nɛra baa dɔ kwaa sɛɛh wejema, dɛ banɔ la baa dɔ kwaa bwa soo siwi ɛɛ wejema laa ta kaa harɛfale ta la.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Ɛsekeɛl 17:16

Men Nemenɛ Korowii taa lole nɔ, n ŋwɛɛrɔ kɛŋɔ, Babelɔn belaa Jerusalam kooro Babelɔn kooro aa cheɡo kora ta la ɛɛ ba sewa. O ta ŋwɛɛra waa ŋwɛɛra la ne fɔo baa fɔwa la ta teŋɛ.

Ɛsekeɛl 17:5

O kpɔ Israel harɛ ta konduuli bii ka du harɛdɛɛɡe bɛl ta. O duu kɛŋɔ nee nyoa da, bela nee aa lole kohona.

Ɛsekeɛl 21:28

Anomanta, Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba Amɔn tena baa dɛ chɛɡre Israel tena nɛɛ bala dɛ́ ŋɔ, ‘Ba pamɛ kere dɛ́ ba kpoo nɛra. Ba saro, ásɛ o do nyɛɡre dɛɛ nyɛɡle kɛŋɔ bwaala ken.

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

1 Samoɛl 11:1

Dɛ ɛ korobie beŋkpoŋ habɔɔ la, Amɔn Kooro Nahas tɔ o laa tena sie ba ka bar bwɛɛ Jabes waa lɔ Gelead harɛ ta dɛ́ yoo ba. Anee Jabes baala bwa ŋɔ Kooro Nahas be ŋɔ, “Gel ya ne he fɔwɛ fɔo, ásɛ ya do he lɔɡa.”