Ɛsekeɛl 16:9 - mzwDBL

⁹ N sɔe ne he chal la bwa le, dɛ fɔɡle noorare.

Ɛsekeɛl 16:9 ပူးပေါင်းရင်းမြစ်များ

Yela 23:5

He ɛ kondikonjena cheɡ n sie, n dɔma bwa siwi ta. He fuɡe noo do n nyu ta, dɛ ɡel n numol su dɛɛ ta.

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Ɛsekeɛl 16:10

Batakaare baa sɔh kwaa dawɛ o ta ne oltɔn naŋɡawadɛɛɡaa n kpɔ doe, dɛ kpɔ yapondɛɛɡa a yoɡ aa kpeɡa tɔe.

Ɛsekeɛl 16:4

Awola baa lolɛ la, bɛlbwa ta he ul teŋe, kɛɛ dɛ sɔe nee he bwara doŋa le he nɛɛ dɛ kpɔ yal fɔrɔwe.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

1 Kɔrent 10:2

A kaa ɛ kɛŋɔ ba fa aa sɔ ba bwa Korowii nee bam la ne mpo la ta, asɛ ba ne Mosis pɛ.

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

2 Kɔrent 1:21

Korowiirii ɡela ya ne he bwa won lawɛ Yeesu Kristo nɛɛ teŋa la kpoŋe kɛrɛdɛ, dɛ le yaa tɛ o toma,

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

1 Jɔn 5:8

Korowii Domadɛɛɡe la, ne Korowii nee baa sɔɔ la, ne o chal waa fuɡa ta la bwaa di danseɛ dɛɛ tɛo dɛɛ baɡle wesiwi beŋkpoŋ.

Rut Tɔn 3:3

Anomanta, sɔ ne dɛ́ fɔɡle nosɔɔhsoma dɛ́ do he laaladɛɛɡa dɛ́ kaa bela. Bɛ ɡel o nae ka tel kɛŋɔ waa di kondikwaa dɛ nyɔ sen tonɛ mɔɔ.