Ɛsekeɛl 16:7 - mzwDBL

⁷ N nyiŋi he nɛɛ dɛ ɡel he kpeɡ kɛŋɔ kon baa duu koo ta ken. He kpeɡo dɛ do jaŋne dɛ do kpeɡri dɛ su haah. He ela cheɡɛ chiŋ kɛrɛdɛ, he dɔ nyumpona kohona, kɛ dɛ komɛlbwa ta he nɛɛ tɔe hɛɛ valɛ mumɡbal.

Ɛsekeɛl 16:7 ပူးပေါင်းရင်းမြစ်များ

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Job Tɔn 1:21

dɛ ŋɔ, “Ba lol mɛ mumɡbal, mumɡbal nee n berɛ dɛɛ ba kaala. Korowiirii dɛɛ tɛ, onee dɛɛ lɛ. Hé ɡel ya kpɛɛ o sɔn.”

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Yela 147:20

O ta anɔ ɛɛ tɛ harɛ bɛlbwa nɛra, baa o Mmarare jemɛ. Hé kpɛɛ Korowii!

Yela 148:14

O ɡelɔ o nɛra Israel tena ba waa aa toɡra, waa do o bambile ta kohona, ásɛ ba bwa kpɛɛro. Hé kpɛɛ Korowii!

Kaala 1:7

kɛ ba bii baa lola la baa warɛ, dɛ ɡel Israel tena mun ya kohona, dɛ su Ijipt harɛ bwa ta.

Kaala 12:37

Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Kaala 3:22

Israel haah bɛlbwa la o dɔŋ Ijipt handɔŋ be, ne banɔ la bane baa pɛa so deremi ta ka soŋe kwaa baa kpɔ suuɡaswɛm ne suuɡapoŋa ɛa dɛ yale, dɛ́ kpɔ do he bibaala ne bihaahna. Ásɛ ba laala la berɛ kwaa haa kaa paa laa ta.”

Yelsom 4:5

He ela wer kohona, a do kɛ kweɡli bii anɛ, aa dɛ di kpɔɡa fee bini ken.

Yelsom 8:10

Dɛ n fa do kɛŋɔ danjwɛɛ ken, kɛ n ela kpeɡo kɛŋɔ dejaŋa. Anomanta, n sɛnodɛɛɡe jemɔ kɛŋɔ n dɔ bansɔɔhna ne deŋnesɔɔhna dɛɛ le o be.

Yelsom 8:8

Ya dɔ nimambie waa ɛ bitolo, waa wola ela leɛ mɔɔ. Dɛ baa balɔ ŋɔ o dɛ nyinu waa, bɔkwa waa yaa ba wona ɛ tɛo wɔ?

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 62:3

Hɛɛ ɛo kɛŋɔ kooɡbɛrɛ waa wera kɛrɛdɛ tɛ Korowii.

Ɛsekeɛl 16:16

He kpɔ he laala la ane ka kwaa bela nɛra aa chema dɛɛ tomɛ voɡa. Belaa he bɔ jwamane la. A ta chɛ kɛŋɔ hé ɛ ɡɛ waa nɔ, kɛɛ a chiɡ kwara.

Ɛsekeɛl 16:22

Haa lɔ waa maa kia ne jwamane ta la, he ta ɡɛ haa doa he bechale saŋ liire. Gɛ saŋ haa chɔ mumɡbal chal ta dɛɛ ta nakpale la.

Ɛsekeɛl 16:6

Belaa n teŋe baa kaa dɛ nae kɛ haa chɔ chal ta dɛɛ ta nakpale. He taa chɔ chal ta bela la, n ŋɔ he be ŋɔ, dɔ́ he nyu dɛ́ so.

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

We-ɛɛla 7:17

Korowii nyobaɡa waa baɡɛ Abraham kɛ wɛɛ lee ba Ijipt harɛ taa dɛ tɛɛ ba harɛfale la aa tela la, ya naawa baa lɔ Ijipt harɛ la warɔ kohona.

Mmarare 1:10

Korowii he naawa aa tomɔ ɡelɔ taraken he mun ya dɛ warɛ kɛŋɔ weweela ken.

Mmarare 1:11

Ó ɡel he ya ɡɛ bele kaɡboŋ, dɛ́ swee andɛɛɡa tɛ heya, ɡɛ waa baɡɛ heyaa nyoa la.

Mmarare 4:8

Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.