Ɛsekeɛl 16:52 - mzwDBL

⁵² He ne he sihiih so, he ɡelɔ he nimanar waa do wer ɡwaale, dɛkalkɛ he wechɔɡa kan ɡwaa ba kwa. A do kɛŋɔ ba waa toɡrɔ kɛrɛdɛ ɡwaale. Sihiih kpoe, he di ncho, he nimanar waa berɔ toɡre ɡwaale.’ ”

Ɛsekeɛl 16:52 ပူးပေါင်းရင်းမြစ်များ

Mumpar 38:26

Juda ɡe nao kɛŋɔ onee, asɛ dɛ ŋɔ, “Haah la waa toɡrɔ ɡwaa mɛ. N na n wechɔɡa maa ɛa kɛŋɔ maa wola ɡelɛ o yalɛ n bibaa Seela la.” A habɔɔ la, o ta o be laŋɛ kpa.

1 Koranar 2:32

Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

Jeremia 23:40

Wɛɛ ɡeloo he di sihiih taeh, sihiih nomɛlbwa aa wola o waa soh bwa.’ ”

Jeremia 3:11

Korowii berɔ ŋɔ n be ŋɔ, “A lole kɛŋɔ Israel bɔ jwamane te, kɛ o waa toɡrɔ dɛ ɡwaa Juda.

Jeremia 31:19

Ya berɛ habɔɔ kpoe, kɛ a ta biɡre ya dɔ liire, dɛ berɛ ba he be. Kɛ a habɔɔ haa tɛr ya deŋne la, ya baŋa ɡolo sihiih kpo yaa. Sihiih kpo yaa kohona, dɛkalkɛ ya bechale saŋ bwaa ya le ɛ wechɔɡa.’ ”

Jeremia 51:51

He ŋɔ, “Sihiih kpo yaa ya di ncho, dɛkalkɛ nɛŋhɔɔhra dɔ bɔr jo Korowii Dea bɔra aa do ɡoroŋ bela.”

Ɛsekeɛl 16:47

Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Ɛsekeɛl 16:48

Men Nemenɛ Korowii taa lole nɔ, n ŋwɛɛrɔ ŋɔ, ‘He nime Sodom ne o bihaahna ta wechɔɡa he ne he bihaahna aa ɛa nɔ dɔŋa ɛɛ.

Ɛsekeɛl 16:53

Korowii ŋɔ, “Jerusalam tena, mɛɛ ɡeloo he na som, mɛɛ berɔ ɡel Sodom ne Samaria tena ɡe na som, dɛ́ ja he nɛ.

Ɛsekeɛl 16:54

Hɛɛ di sihiih waa haa ɛa la wa, ásɛ ba che a ta dɔ bolarawa.

Ɛsekeɛl 16:56

He fa aa dɔa dɛɛ ɛ mbarafo la, dɛ haa he nime Sodom komɛlbwa yerɛ,

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 32:24

Elam harɛ ta nɛra chɔ bela, o laa tena baa kpoo ba laa ta la ŋwama chɔ baro. Banɔ la ba fa aa kpɔ ɔmee kohona ta harɛre nɛra nɛɛ ba ta men Korowii tomɛ dɛ sewɛ kaa lalabwɛɛ la. Ba ne banɔ la baa chɔ harɛ bini la di sihiih.

Ɛsekeɛl 36:15

Maa ɡel he no harɛre ta nɛra loro baa dɛ di heya, ne mama baa dɛ mamɛ heyaa la, kɛɛ dɛ́ ɡel he harɛ la paɡre kpa. Men Nemenɛ Korowiirii bola.’ ”

Ɛsekeɛl 39:26

Baa soh ba sihihwaa ne kasinteŋ bɛ dɔe dɛ tɛ mɛ ɡɛ saŋ baa soɡe deŋnesɔɔhna ta ba harɛ ta, nomɛlbwa aa wola ban aah la.

Ɛsekeɛl 44:13

Ba bɛ n sie ba, dɛ́ ba tom mɛ kɛŋɔ sɔfore, kɛɛ dɛ́ ŋɔ baa tuuhnu tel kwaa aa do ɡoroŋ, ne saraha aa do ɡoroŋ kohona la bɛlbwa. A chɛ kɛ sihiih kpo ba, baa dɔ deŋnetɛraa waa maa kia ba ɛ la wa.

Hosia 10:6

Baa cheo kaa Asiiria harɛ ta, dɛ́ kpɔ ka bɔ toɔ tɛ koojen waa lɔ bela la. Sihiih ɛɛ kpo Israel tenaa, baa di sihiih voɡa baa sɛah la waa.

Amanesoma Luk Aa Chwera Tɔn 6:37

He bɛ dɔŋa dɛɛ pwah, ásɛ Korowii ɡe bɛ heyaa pwah. He bɛ dɔŋa bolchɔɡe dɛɛ pa, ásɛ Korowii ɡe bɛ heyaa bolchɔɡe pa. Hé kpɔ he dɔŋa wechɔɡa dɛɛ kɛ ba, ásɛ Korowii ɡe kpɔ he wechɔɡa dɛɛ kɛ heya.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Tɔn Pɔɔl Aa Chwerɛ Rom Tena 2:10

Asɛ nɛra baa dɛ ɛ wedɛɛɡa la, Korowii ɛɛ ɡeloo ba dɔ jirima, dɛ́ kpɛɛ ba, dɛ́ tɛɛ ba bambisɔɔhna. Juu tenaa dɛ́ tɔ sie na anɔ bwa, nɛra baa wola Juu tena ɛɛ la ɡe jao.

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

1 Samoɛl 24:17

O ŋɔ, “He waa toɡrɔ dɛ ɡwaa mɛ. He te nyiŋi n nɛɛ kɛrɛdɛ, kɛ menee wola hen nyiŋe.”