Ɛsekeɛl 16:5 - mzwDBL

⁵ Nomɛlbwa ta tedoma dɔe tɛɛ, dɛ́ ɛɛ ɡɛ waa nɔ bini bɛlbwa. Kpɔɡ binii ba kpɔe ka ta, dɛkalkɛ awola baa lolɛ la bwaa ba haeh.

Ɛsekeɛl 16:5 ပူးပေါင်းရင်းမြစ်များ

Mumpar 21:10

Belaa o ŋɔ Abraham be ŋɔ, “Doŋi yomhaah la ne o bie la. Dɛkalkɛŋɔ yomhaah la bie ne n bie Aesek aa won pɛ di he kapɛrɛ a maɡre.”

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Aesaya 49:15

Korowii ŋɔ, “Haah ɛɛ won soh o bilole waa ɔro wa aa? Dɛ nya ɛɛ soh o bie waa yaa, n te aa he waa soeh ba bwa.

Jeremia 22:19

Gɛ keeɡo sewɔ, ba yon tuuɡu le ka ta bwɛɛ dahare la, ɡɛɛ baa ba Kooro Jehoiakim tuuɡa le, dɛ́ kpɔɔ ka ta Jerusalam doonyojena baŋ.

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Wiile 2:19

Ir jwaana bɛlbwa dɛ́ɛ wi, dɛ́ɛ yerɛ Korowii ó chae. Pili he bambile dɛ́ɛ soŋo ó sune he bii nɛ, bechale lɔr aa kpo ba ba serewe chɔ fɔɡbaahna la wa.

Wiile 4:10

Wenaale aa chiɡ n nɛra nɛɛ nɔ, a ba wedoŋa kohona ne taeh, hale haahna baa dɔ tedoma tɛ ba bii daa ba ola chwe.

Wiile 4:3

Kalampoŋa ɡba jemɛ ɡɛ waa ɔr o bie dɛ́ nyiŋi o nɛɛ ó kpeɡ. Kɛ n nɛra Jerusalam tena nyu bini kpeɡri ba bii nɛɛ, kɛŋɔ taataa ken.

Ɛsekeɛl 16:6

Belaa n teŋe baa kaa dɛ nae kɛ haa chɔ chal ta dɛɛ ta nakpale. He taa chɔ chal ta bela la, n ŋɔ he be ŋɔ, dɔ́ he nyu dɛ́ so.

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

Nɛra Kura 19:16

Nomɛlbwa waa leɡe nɛn baa kpoo, kɛɛ nɛn waa sewɛ ɡɛ nɛra bwa aa dɛ sewɛ, kɛɛ o hoɡ, kɛɛ dɛ o ŋwamee yaa, o kah doŋa ka tel tɔpera anuanɛ.

Mmarare 32:10

Korowii na ba baa ɡaaɡe pua hɛŋle ɡbo harɛ ta, harɛ waa chɔ pɛɛ olchɔɡa sii ɡbo tɔ bela peujena ɛɛ ta bela. O tɔ ba ɡbemɡbe dɛ nyiŋi ba nɛ kɛŋɔ o ɡbaɡba ken.