Ɛsekeɛl 16:47 - mzwDBL

⁴⁷ Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Ɛsekeɛl 16:47 ပူးပေါင်းရင်းမြစ်များ

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

2 Koranar 21:9

Kɛ Juda tena vɛoh, Kooro Manasɛ ɡelɔ ba nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

Jeremia 3:7

Israel tena do kɛŋɔ hanjwamane ken. N liiro ŋɔ anɔ baa ɛa nɔ bwa habɔɔ baa berɔɔ ba n be, ba dɔŋa Juda tena ɡe ɡba nao.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Ɛsekeɛl 16:48

Men Nemenɛ Korowii taa lole nɔ, n ŋwɛɛrɔ ŋɔ, ‘He nime Sodom ne o bihaahna ta wechɔɡa he ne he bihaahna aa ɛa nɔ dɔŋa ɛɛ.

Ɛsekeɛl 16:51

He wechɔɡa haa ɛa la, Samaria ta a dɔŋa ɛɛ. He ɛ waa maa kia kohona ɡwaa ba, he nime ne he nahaah waa toɡrɔ ɡwaale.

Ɛsekeɛl 16:52

He ne he sihiih so, he ɡelɔ he nimanar waa do wer ɡwaale, dɛkalkɛ he wechɔɡa kan ɡwaa ba kwa. A do kɛŋɔ ba waa toɡrɔ kɛrɛdɛ ɡwaale. Sihiih kpoe, he di ncho, he nimanar waa berɔ toɡre ɡwaale.’ ”

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

1 Kɔrent 5:1

N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.