Ɛsekeɛl 16:4 - mzwDBL

⁴ Awola baa lolɛ la, bɛlbwa ta he ul teŋe, kɛɛ dɛ sɔe nee he bwara doŋa le he nɛɛ dɛ kpɔ yal fɔrɔwe.

Ɛsekeɛl 16:4 ပူးပေါင်းရင်းမြစ်များ

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Josua 24:2

Asɛ Josua ŋɔ ba be ŋɔ, “Korowii ya Israel tena aa dɛ tomɔ la ŋɔ, ‘A saŋ la, he nabaala fa soɡe Yufretis Moo la baŋ le dɛɛ tomɛ voɡa. Ba bini bɛlee Tɛɛra waa ɛ Abraham ne Neehɔ bwa mɛɛ.

Mmarare 15:15

Hé lii kɛŋɔ he fa di somanjiri Ijipt harɛ ta, asɛ Korowii lɛ heyaa le a ta. A waa mɛɛ do heyaa waa nɔ ta fini la.

Mumpar 15:13

Belaa Korowii ŋɔ o be ŋɔ, “Jemɛ kɛŋɔ he naanar ɛɛ ka ɛ hɔɔhra nɛra bane harɛ taa, dɛ́ ɛ yoma, ásɛ ba ɛɛ ba hɔhɔrɔwa bene lafraanaarɛ.

Amanesoma Luk Aa Chwera Tɔn 2:12

Waa haa che a ta jemɔ laanee nɔ. Hɛɛ na bie laanee kɛŋɔ baa kpɔ yal fɔrɔwo o chɔ kon jaɡre aa dɛ di kwaa o bini la bini.”

Amanesoma Luk Aa Chwera Tɔn 2:7

asɛ o lolɛ o binyoa, o ɛ bibaa. O kpɔ yal fɔrɔwo dɛ kpɔɔ bil kon jaɡre aa dɛ di kwaa o bini la bini, dɛkalkɛŋɔ dɛ bɔr toole bela hɔɔhra aa dɛ chɔ bwɛɛ la ta la kwara bá chɔ.

Mmarare 5:6

‘Menee Korowii haa dɛ tom mɛ, n le he ne Ijipt harɛ ta somanjiri dii ta la.

Ɛsekeɛl 20:8

Kɛ Israel tena ɛɛ mɛ deŋnekpeɡ, baa n waa no, ba ta voɡa la pae ta, ba ta Ijipt tena voɡare maa kia la ɡe ta leɛ. Anomanta, n ŋɔ mɛɛ kpɔ n bandiaa ba ta ba nɛɛ Ijipt harɛ ta.

Wiile 2:22

N Naa Korowii, he ta nɔn yerɛ nɛra cheme kɛŋɔ kondikonjena dii tɔpere, asɛ ɔmee kohona bar mɛ cheme. Awola he baah aa dia la, nomɛlbwa ta wone chwa kɛɛ dɛ le a nyoa. Dɔma kpoo n bii maa dɛɛ ba, dɛɛ nyin ba kohona.

Wiile 2:20

N Naa Korowii, nyiŋi na. Umee he ɛ ken bwa nɔ? A chɛ kɛ haahna chwe ba bii baa dɛ nyin ba ola aa? A chɛ kɛ bá kpoo sɔfore ne Korowii keamere he Dea la bini naa?

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 16:3

Ŋɔ waa men Nemenɛ Korowii aa dɛ bol Jerusalam tena be laanee nɔ, ‘Keenan harɛ taa ba lolɛ he naawa. Amɔre tee he nabaa, asɛ Hiti tee he nya.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’