Ɛsekeɛl 16:36 - mzwDBL

³⁶ Kenii men Nemenɛ Korowii ɛɛ bol, ‘Haa pa he kondɔɔh ta, dɛ che mumɡbal kɛŋɔ hanjwamane, dɛ kpɔ he te tɛ baala dɛ tomɛ voɡa maa kia, dɛ kpoo he bii ɛ saraha tɛa la

Ɛsekeɛl 16:36 ပူးပေါင်းရင်းမြစ်များ

Mumpar 3:7

Baa dia tonɛ la, buɡ la ta, ba bwa sie pilo, ba na kɛŋɔ ba cheɡɛ mumɡbal. Anomanta, ba nyin ɔɡ papooni dɛ nyara dɛ kpɔ li.

Jeremia 19:5

Ba ma kwaa baa ɛ sarahare a ta tɛ voɡ Baal, dɛ fuh ba bibaala ɛ sarahare dɛɛ tɛo. N ta ban doe ŋɔ ba ɛ ɡɛ, a toole n liire ta kwaraa.

Jeremia 2:34

Nyaara baa wola wechɔɡa bɛlbwa ɛɛ he kpoo ba la chal ka he laala ta nɛra ɛɛ naa, a lole kɛŋɔ he ta ban lawɛ kɛŋɔ ŋwɛɛra ba jo he be. Kɛ ane a bwa,

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Ɛsekeɛl 16:35

Anomanta, Jerusalam, he do kɛ hanjwamane. Dɛ́ɛ no waa Korowii aa dɛ bol he be.

Ɛsekeɛl 16:57

mɔɔ he wechɔɡa la bwa le baŋ. He berɔ do kɛ on, hale Edom ne Filisti bihaahna bwa, dɛ nɛra baa soɡa bare bwa, dɛ haeh.

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Ɛsekeɛl 22:15

Mɛɛ lɔ baa peɡre harɛre ne bwɛɛre ta, ásɛ dɛ ɡel ba wechɔɡa bwa ba a jaɡa.

Ɛsekeɛl 23:10

Ba wur Ohola laala o che mumɡbal, dɛ lawɛ o bibaala ne bihaahna bwa kaa, dɛ kpoo kere ne. A ɛ waa dɛ chɔ le haahna bwa ɛɛ bol o wa.

Ɛsekeɛl 23:18

Bɛlbwa na o we-ɛɛla kɛŋɔ o ɛ hanjwamane. N baah diu n vɛoh ɡɛ maa vɛh o nahaah la.

Ɛsekeɛl 23:29

Baa haeh nomanta, baa pa he komɛlbwa haa dɔa bwaa kaa, ásɛ he ka che mumɡbal, nɛra bwa nae kɛŋɔ hanjwamane. He pɛlchɔɡa ne jwamanee

Ɛsekeɛl 23:37

Ba bɔ jwamane dɛ kpoo nɛra ɡe ja. Ba le n habɔɔ dɛ kaa tomɛ voɡare, dɛ kpoo bii baa lol ba tɛ mɛ. Ba kpɔ ba ɛ saraha voɡare ta, dɛ fuuh ba.

Ɛsekeɛl 23:8

O teŋɛ jwamane waa pa a mun Ijipt harɛ ta la ta, dɛ chɔɡ o te. O toli saŋ bwaa o le baala lawɔ dɛɛ chɔ.

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Ɛsekeɛl 36:18

Anomanta, n kpɔ n bandia kohona ta ba nɛ, nɛra baa kpoora harɛ la ta, dɛ tomɛ voɡa, dɛ kpɔ doŋa kah harɛ la wa.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Sefania 3:1

Bwɛjen baa dɛ do ba nɛra hɔhɔrɔwa, dɛ ɛ deŋnekpeɡ tena dɛɛ ɛ wedoŋa la, ó bwɛɛlɛ!

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.