Ɛsekeɛl 16:30 - mzwDBL

³⁰ Nemenɛ Korowii ŋɔ, “Na ɡɛ haa wola liidɛɛɡa dɔe. He we-ɛɛla do kɛŋɔ hanjwamane waa wola sihiih bɛlbwa jemɛ ken.

Ɛsekeɛl 16:30 ပူးပေါင်းရင်းမြစ်များ

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Sɛɡla 9:13

Gɛna do kɛŋɔ haah waa ɛ wobobala te, waa wola sihiih jemɛ.

Sɛɡla 7:21

Haah la kpɔ neɡra ŋwɛnɛ ne wobosoma dɛ dɔɔ kaa.

Ɛsekeɛl 16:29

He teŋɔ kpɔ he jwamanwe-ɛɛla la kaa Babelɔn tena harɛ ta ɡe. Ba bwa ɛ bonadiire, hale anɔ bwa habɔɔ a ta he ne maɡrɛ.’ ”

Yela 78:37

Baa o waa ta teŋɛ, baa fɔo o ne baa fɔwa la ta teŋɛ.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Hosia 9:1

Hosia ŋɔ Israel tena be ŋɔ, “He bɛ ɡel he sie lɛ kɛŋɔ harɛre ane nɛra. Dɛkalkɛ he le Korowii haa dɛ tomɔ la habɔɔ. Mea pɛla bɛlbwa haa cheme o ta la, he sie dɛ lɛ jwamansuuɡa ta.