Ɛsekeɛl 16:26 - mzwDBL

²⁶ He ne Ijipt tena haa do jwɛh bwaa dɛɛ bɔ jwamane he ne baa chɔ. Ba ɛ nɛra jwamanwa aa dɛ lɛ ba sie kohona. He kpɔ ɡɛ waa nɔ dɛɛ muɡli n baah.

Ɛsekeɛl 16:26 ပူးပေါင်းရင်းမြစ်များ

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

Kaala 32:4

Ate, o kpɔa dɛ do kon bini dɛ ɛa a do kɛŋɔ nabale dɛ kpɔ tɛɛ ba, waa baa sɔɔh la, ba bol dɔŋa be ŋɔ, “Yabala Israel tena, voɡ waa tɔ ya sie dɛ kpɔ yaa le Ijipt harɛ ta laanee la.”

Aesaya 30:21

He kono kpɔ diɡ oo, ɡal oo, hɛɛ no taa bɛl he habɔɔ, o ŋɔ, “Ŋwɛnɛ laanee la, hé kpɔ o ta.”

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Ɛsekeɛl 23:3

Ijipt harɛ taa ba so, dɛ le ba toli saŋ kpɔ bannyin dawɛ ba sie ta, dɛɛ bɔ jwamane.

Ɛsekeɛl 23:8

O teŋɛ jwamane waa pa a mun Ijipt harɛ ta la ta, dɛ chɔɡ o te. O toli saŋ bwaa o le baala lawɔ dɛɛ chɔ.

Ɛsekeɛl 8:10

Ate, n jo dɛ ka na kwaa aa dɛ tuuɡi tea ta, ne anɔ la aa dɛ huuh, ne ola maa kia bwa, Israel tena voɡa baa ɛa dɛɛ toma bwa dawɛ danjwɛɛre la bwa ta.

Ɛsekeɛl 8:14

Korowii berɔ laɡ mɛ ba o Dea la weekaŋle nyunduabɔr doonyoa la ta, asɛ n na haahna bane baa soɡa dɛɛ wi ba voɡ bɛl baa dɛ yerɔ Taamus la seo.

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

Lewi Dea Tena 15:3

hale a ta teŋɔ dɛɛ ba kɛɛ dɛ teŋaa, aa ɡeloo ó kah doŋa. Waa aa che a ta o kah doŋa laanee nɔ,

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.