Ɛsekeɛl 16:25 - mzwDBL

²⁵ Fɔɡbaahna bwa taa he ma voɡa chɔŋɛ pwee ta, dɛ kpɔ chɔɡ he wer haa doa. He kpɔ he te dɛɛ tɛ nomɛlbwa waa teŋa baa kaa, dɛ na teŋɛ dɛɛ bɔ jwamane kohona.

Ɛsekeɛl 16:25 ပူးပေါင်းရင်းမြစ်များ

Ɛsekeɛl 16:31

Haa ta pweeri fɔɡbaahna dɛ kpɔ he voɡa chɔŋɛ a ta nɛra bwa siwi ta dɛɛ bɔ jwamane nomanta, he waane laa suuɡa wa kwara.

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

Wepila 17:16

Nyeɡlare fi la haa naa a che tɛ koranar fi la ne olchɔɡe la ɛɛ hah hanjwamane laanee, dɛ́ foo o bwara komɛlbwa, dɛ́ ɡelo dakpaŋ ɡɛ. Baa chwe o olii, ásɛ dɛ fuh o kabora,

Ɛsekeɛl 23:32

Nemenɛ Korowii ŋɔ, “Gɛ maa tɛr he nahaah deŋne kohona laanee mɛɛ ba he ɛɛ. Nomɛlbwa ɛɛ mamɛɛ dɛ́ muɡli he baah, dɛkalkɛ deŋnetɛra la kan kohona.

Ɛsekeɛl 16:15

Kɛ he teŋɛ he wer kohona ne he nyanyini ta dɛɛ bɔ jwamane. Nomɛlbwa teŋo baa kaa dɛ he ne o kaa chɔ.

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Mumpar 38:21

O kaa pu baala bane bela asɛ dɛ bɔɔ ba ŋɔ, “Leperaa hanjwamane bɛl o fa aa soɡe Enaem doonyoa bonɔ la dɔɔ?” Asɛ ba chaŋo ŋɔ, “Hanjwamane bɛlbwa toole bonɔ.”

Mumpar 38:14

Asɛ o foo o laala waa doa so doŋa ta la bil, dɛ kpɔ kon waa chaahna bɔle nyu, dɛ ka so bwɛɛ Enaem doonyoa, Temna ŋwɛnɛ ta. Dɛkalkɛ dɛ o nao kɛŋɔ Seela kpeɡo, asɛ ba ɡe ta on kpɔe tɛo ŋɔ o yalɔ.

Aesaya 23:17

Bene fifraanuanɛ habɔɔ la, Korowii ɛɛ ɡeloo Taaya tena berɛ kpɔ ba toma ja. Gɛ hanjwamane yon dɛɛ nyin suuɡa baala be la, ɡɛɛ baa ba harɛ nɔ ta harɛre ta laŋa ka di bona.

Jeremia 11:15

N nɛra maa dɛ nyin ba ta ŋwɛnɛ dɔe dɛ́ so n Dea kpa. Ba ɡalɡa nyu bini kpeɡri, hale dɛ yon kpɔ n saraha kwaa ba fe aa fuh tɛ mɛ la le kaa. Kɛ dɛ n kpɔ wenaale ba ta ba nɛ aa, ba sie aa lɛ kpa.

Neehum 3:4

A bwa cheɡɛ Niniwe tena baa do kɛ hanjwamane la pɛlchɔɡa ta. Ba cheɡɛ voɡra nɛɛ dɛ ɡel nɛra pɛla do ba nɛ. Ba kpɔ jwamane ŋwɛnɛ ta dɛ lawɛ harɛre nɛra kɛrɛdɛ yoma, ne sɔm ŋwɛnɛ ta, dɛ lawɛ nɛra bane ɡe.

Jeremia 3:20

Kɛ ɡɛ haah o wa aa wola kasinteŋ dɔe tɛ o jaa la, ɡɛɛ he Israel tena wa aa wola kasinteŋ dɔe tɛ mɛ. Men Korowiirii bola.”