Ɛsekeɛl 16:20 - mzwDBL

²⁰ He lawɛ he bibaala ne bihaahna haa lol ba tɛ mɛ la, dɛ kpoo ba ɛ saraha tɛ voɡa. He jwamane la ɡbo ta maɡraa?

Ɛsekeɛl 16:20 ပူးပေါင်းရင်းမြစ်များ

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

2 Koranar 16:3

dɛ teŋɛ waa Israel koranar aa ɛa la ta. Hale o kpo o bibaa dɛ fuuh ɛ saraha. Dɛ ɡɛ waa la ɛ voɡtoroma harɛre nɛra Korowii aa doŋ ba tɛ Israel tena, ba tɔ sie ba so o ta la nawee wa. Dɛ Korowii kia.

2 Webena 33:6

O kpoo o bibaala, dɛ fuuh ba ɛ saraha Henɔm Fɛlembɔjen bini. O ɛ sɔm we-ɛɛla, dɛ voɡɛ dɛ yerɛ lala, dɛ la tɛɡre tena be. O ɛ wechɔɡa taeh, dɛ jo Korowii nɛɛ dɛ ir o bandia kohona.

Kaala 13:12

a chɛ kɛ hé kpɔ bibanloɡle bɛlbwa tɛo. Kondɛɛre bɛlbwa ɡe biloɡle ombal ɛ Korowii kon.

Kaala 13:2

“Le bibanloɡle bɛlbwa cheɡ tɛ mɛ ó ɛ n kon. Israel te bibanloɡle bɛlbwa ne kondɛɛre bɛlbwa ɡe biloɡle ombal bwa ɛ n kwa.”

Aesaya 57:5

Hé liire bwaa kɛŋɔ hɛɛ di sɛm he voɡa dajena mune. Hé dɛ kpoo he bii dɛɛ ɛ sarahare voɡa aa lɔ bwebɔɔne aa bɛne nenabɔɔne ta.

Jeremia 19:5

Ba ma kwaa baa ɛ sarahare a ta tɛ voɡ Baal, dɛ fuh ba bibaala ɛ sarahare dɛɛ tɛo. N ta ban doe ŋɔ ba ɛ ɡɛ, a toole n liire ta kwaraa.

Jeremia 3:24

Le ya bechale saŋee voɡare aa wola tɔnɔ bɛlbwa dɔe chɔɡ ya naawa toma baa ɛa, ba peera ne nae, ba bibaala ne bihaahna bwa.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Jeremia 7:31

Henɔm Fɛlembɔjen binii ba ma kon baa dɛ ɛ saraha o ta dɛɛ yerɔ Tɔfɛt. Belaa ba kpoo ba bibaala ne bihaahna dawɛ nii ta ɛ saraha. Gɛ laa n bol ba be, ɡɛ toole n liire ta.

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Ɛsekeɛl 16:21

He kpoo n bii dɛ kpɔ ba ɛ saraha tɛ voɡa.

Ɛsekeɛl 16:36

Kenii men Nemenɛ Korowii ɛɛ bol, ‘Haa pa he kondɔɔh ta, dɛ che mumɡbal kɛŋɔ hanjwamane, dɛ kpɔ he te tɛ baala dɛ tomɛ voɡa maa kia, dɛ kpoo he bii ɛ saraha tɛa la

Ɛsekeɛl 20:26

N ɡelɔ ba kpɔ ba bibanloɡla ɛ sarahare dɛ kah doŋa, n ɛ ɡɛ dɛ kpɔ ɔmee kohona ta ba nɛɛ ba chel, ásɛ ba jemɛ kɛŋɔ menee Korowii.”

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Ɛsekeɛl 23:37

Ba bɔ jwamane dɛ kpoo nɛra ɡe ja. Ba le n habɔɔ dɛ kaa tomɛ voɡare, dɛ kpoo bii baa lol ba tɛ mɛ. Ba kpɔ ba ɛ saraha voɡare ta, dɛ fuuh ba.

Ɛsekeɛl 23:39

Awola tenten baa kpɔ ba bii tɛ ba kpoo ba voɡa ta tonɛ la, ba baa jo n Dea dɛ kpɔ doŋa kaoh.

Ɛsekeɛl 23:4

Nomoa la sɔne Ohola, asɛ bechala la ɡe sɔne Oholiba. N haahnaa ban, ba loɡle bibaala ne bihaahna tɛ mɛ. Ohola cheɡɔ tɛ Samaria asɛ Oholiba ɡe che tɛ Jerusalam.

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

Maeka 6:7

Ń kpɔ pebala kaɡboŋa ne ɔleve noo aa wara dɛɛ palɛ kɛŋɔ moo ba tɛ Korowii aa? O sie ɛɛ lɛ n nɛɛ yaa? Kɛɛ ń lawɛ n biloɡle, ba bɔ n wechɔɡa maa ɛa kem ɔ?