Ɛsekeɛl 16:13 - mzwDBL

¹³ Gɛɛ a do n kpɔ suuɡaswɛm ne suuɡapoŋa kwaa ɛɛ. Yapondɛɛɡa a yoɡ aa kpeɡa ba sɔh kwaa dawɛ a ta ɛ he yale. Mendɛɛɡa baa nama a kper kɛrɛdɛ ne tooh, dɛ ɔleve noo ɛ he kondikwa. He kpeɡo dɛ do wer kohona, dɛ ba ɛ haŋkooro.

Ɛsekeɛl 16:13 ပူးပေါင်းရင်းမြစ်များ

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

Yela 48:2

Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Ɛsekeɛl 16:19

He berɔ kpɔ men baa nama a kper kɛrɛdɛ ne ɔleve no, dɛ tohnoo maa kpɔa tɛɛ ŋɔ hé di la ɛ saraha tɛa a sie lɛ he nɛ. Gɛɛ a ɛ. Men Nemenɛ Korowiirii bola.

Wiile 2:15

Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Jeremia 13:20

Hé ha sie nyiŋi, he dɔma le weekaŋle nyunduabɔr dɛɛ ba. Leperaa nɛra baa lɔ he nɔn ta, he koh ba waa dɛɛ ɛ mbarafo la dɔɔ?

Aesaya 64:11

He Dea waa do ɡoroŋ dɛ do wer tɛ yaa ya naawa fa aa kpɛɛre o bini la, nii fuuh. Bɔra ya sie aa dɛ lɛ a ta bwa kuuɡo dɛ berɛ dimɡbeeni.

Yela 147:14

Onee tɛ heyaa deŋnesɔɔhna he harɛ jwɛhre ta, asɛ dɛ tɛ heyaa mea aa do wer.

Yela 81:16

Kɛ ane a bwa, mɛɛ tɛ heyaa mendɛɛɡa, ne tohdɛɛɡa he di dɛ vaɡɛ.”

Ɛsra 5:11

Waa baa chaŋe yaa teŋa nɔ. ‘Ya ɛ Korowii Waa Dɛ Di Kora Nyundua ne harɛ bonɔɔna, asɛ ya berɛ kwaa dɛɛ ma Korowii Dea ba fa aa mao saŋ la bwa la. Israel kooro bɛl o fa aa dɛ di kpeɡri kohona laanee pa o mun dɛ tonɔ.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Samoɛl 12:12

Háa na Amɔn Kooro Nahas wɛɛ ba dɛ́ ba yo heyaa la, he le Korowii waa ɛ he kooro la habɔɔ, dɛ ŋɔ n be ŋɔ, ‘Ya dɛ nyin kooro wɛ́ɛ nyiŋi ya nɛ.’

1 Samoɛl 10:1

Belaa Samoɛl kpɔ ɔleve noo loŋbir dɛ fuɡe do Sɔɔl nyu ta, dɛ ɡbaaro pɛl bambile dɛ ŋɔ, “Korowii lee he ɛ o nɛra Israel tena sitɔɔ. Hɛɛ nyiŋi ba nɛɛ, dɛ́ lɛɛ ba le ba dɔma baa bar ba cheme nɔn ta. Anee dɛ́ baɡle kɛŋɔ Korowii lee he ɛ o nɛra Israel sitɔɔ.

Mmarare 8:8

Mea ne daa aa dɔ nɔna baa dɛ dia kɛŋɔ ɡrepore, ne fiɡ daa ne daa bɛl nɔna baa dɛ yera pɔmeɡranet ne ɔleve no, dɛ tohno ɡboo harɛ la bwa.

Mumpar 17:6

Mɛɛ ɡeloo he naanar ya taeh, ásɛ a che he nɛɛ nɛra warɛ harɛre ta, ásɛ ba bini bane ɛ koranar.

Ɛsekeɛl 16:10

Batakaare baa sɔh kwaa dawɛ o ta ne oltɔn naŋɡawadɛɛɡaa n kpɔ doe, dɛ kpɔ yapondɛɛɡa a yoɡ aa kpeɡa tɔe.

Ɛsekeɛl 16:17

He berɔ kpɔ suuɡaswɛm ne suuɡapoŋa kwaa maa kpɔa tɛɛ la loɡɛ voɡbaala dɛɛ toma dɛɛ bɔ jwamane.

Ɛsekeɛl 23:40

Ba dɛ tomɛ toroma ba ka yerɛ baala le bojaŋa ba. Ba balaa, ba yon sɔ ne, dɛ́ kpɔ kwaa pe ba siebɔra, dɛ́ kpɔ suuɡaswɛm kwaa do ba baŋa ne ba nɔɔra.

Ɛsekeɛl 27:16

Siiria harɛ ta tena ne he di bona kwaa haa dɔa kohona nomanta. Ba kpɔ bwedɛɛɡa aa ɛ burum baa yera tɛɛkoes, ne bweswɛɛma ane baa dɛ yera rubire, ne koral aa le mpo bini, ne yakɔle, ne kwaa baa sɔah, ne yapondɛɛɡa, dɛ ba charɛ he laala.

Job Tɔn 29:6

ɡɛ saŋ n fa aa ɛ kondɔɔh dɛ n dɔ ɔleve noo taeh!