Ɛsekeɛl 16:10 - mzwDBL

¹⁰ Batakaare baa sɔh kwaa dawɛ o ta ne oltɔn naŋɡawadɛɛɡaa n kpɔ doe, dɛ kpɔ yapondɛɛɡa a yoɡ aa kpeɡa tɔe.

Ɛsekeɛl 16:10 ပူးပေါင်းရင်းမြစ်များ

Mumpar 41:42

Kooro laa o noniseɡ o nyanyini kon aa dawɛ o ta la foo do Josef, dɛ kpɔ yapondɛɛɡe batakaare ɡe doo, dɛ kpɔ suuɡaswɛm jɔɡrɔre baŋa kwaa ɡe do o baŋa.

Yela 45:15

Ba kpɔ silɛɛ dɛɛ ba, dɛ hɛɡre ba jo he koodem bela.

Kaala 25:5

ne pebala tɔne baa doa konswɛɛma, ne mpo nae tɔne dɛ akaasia daa,

Kaala 26:14

Kpɔ pebal tɔne baa doa konswɛɛma tɔ tɛnte la, ásɛ dɛ kpɔ mpo nae tɔne bɔlo ja.

Kaala 26:36

Korowii Tɛnte Dea doonyoa bela la, kpɔ jiseburum ne jisekɔl ne jiseswɛm dɛ jisepondɛɛɡe nyarɛ pateesan, dɛ́ ɡel nɛn waa dɔ kwaa sɔeh wejema ɛ kwaa dawɛ o ta, dɛ́ kpɔ saɡɛ o ta.

Kaala 28:5

Gel ba kpɔ suuɡaswɛm ne jiseburum ne jisekɔl, ne jiseswɛm dɛ jisepondɛɛɡe ɛa.

Sɛɡla 31:22

O ɡbaɡbaa dɛ́ nyarɛ bombore dɛ́ kpɔ dɛɛ pa o chɔɔbɔr. O dɛ li yadɛɛɡa bwa soo siwi a yoɡ aa kpeɡa.

Aesaya 3:23

ne diɡe, ne ba laalapoŋa andɛɛɡa, ne kwaa baa kpɔa dɛɛ tɔ ba nyuune, dɛ anɔ la baa kpɔa dɛɛ tɔ ba sie, a bwaa wɛɛ ba laa kpɔ.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Ɛsekeɛl 16:13

Gɛɛ a do n kpɔ suuɡaswɛm ne suuɡapoŋa kwaa ɛɛ. Yapondɛɛɡa a yoɡ aa kpeɡa ba sɔh kwaa dawɛ a ta ɛ he yale. Mendɛɛɡa baa nama a kper kɛrɛdɛ ne tooh, dɛ ɔleve noo ɛ he kondikwa. He kpeɡo dɛ do wer kohona, dɛ ba ɛ haŋkooro.

Ɛsekeɛl 16:18

He kpɔ he yale baa sɔh kwaa dawɛ a ta la bɔla, dɛ kpɔ noo ne daawiile a sɔɔh aa soma n kpɔ tɛɛ la tɛa.

Ɛsekeɛl 16:7

N nyiŋi he nɛɛ dɛ ɡel he kpeɡ kɛŋɔ kon baa duu koo ta ken. He kpeɡo dɛ do jaŋne dɛ do kpeɡri dɛ su haah. He ela cheɡɛ chiŋ kɛrɛdɛ, he dɔ nyumpona kohona, kɛ dɛ komɛlbwa ta he nɛɛ tɔe hɛɛ valɛ mumɡbal.

Ɛsekeɛl 26:16

Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Ɛsekeɛl 27:16

Siiria harɛ ta tena ne he di bona kwaa haa dɔa kohona nomanta. Ba kpɔ bwedɛɛɡa aa ɛ burum baa yera tɛɛkoes, ne bweswɛɛma ane baa dɛ yera rubire, ne koral aa le mpo bini, ne yakɔle, ne kwaa baa sɔah, ne yapondɛɛɡa, dɛ ba charɛ he laala.

Ɛsekeɛl 27:7

Ijipt harɛ taa ba kpɔ ŋwɛndɛɛɡe sɔh yapondɛɛɡe waa baŋre he doa dɛɛ kaa he ne la, dɛ berɛ kpɔ ane ɛ he fraŋkaa. Saepros ekwi harɛ taa ba le yaburum ne oŋkɔl waa wera ne, a tɔ he nɛɛ dɛɛ tɛɛ chunchule.

Amanesoma Luk Aa Chwera Tɔn 15:22

Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

Wepila 18:12

Nɛn toole dɛ́ yawɛ ba suuɡaswɛm, suuɡapoŋa, ne bwedɛɛɡa a yoɡ aa kpeɡa, ne yapondɛɛɡa bwa soo siwi, ne dasɔɔhsoma a yoɡ aa kpeɡa bwa soo siwi, ne kwaa baa kpɔ bala nyena ɛa, ne kwaa baa kpɔ dadɛɛɡa a yoɡ aa kpeɡa sɛah, ne anɔ la baa kpɔ ayaawa ne bune loɡa, ne anɔ la baa kpɔ bwedɛɛɡa ane soo siwi ɛa la,

Wepila 19:8

Ba kpɔ yapondɛɛɡe kpelkpel tɛo ó tɔ.”

Wepila 21:2

N berɔ na Korowii bwɛjen Jerusalamfale o le Korowii be dɛɛ ba harɛ. Korowii kwaaro kɛrɛdɛ kɛŋɔ hanfale yon kpɔ o te dɛɛ ba o jaa be la.