Ɛsekeɛl 15:6 - mzwDBL

⁶ Nemenɛ Korowii ŋɔ, “Gɛ maa kpɔ ɡrepo da le kɔr bini daa bwa bini do nii ta o fuh la, ɡɛɛ mɛɛ ba nɛra baa lɔ Jerusalam ɛɛ.

Ɛsekeɛl 15:6 ပူးပေါင်းရင်းမြစ်များ

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 25:18

Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Ɛsekeɛl 15:2

“Nɛwɛnyini bie, bɔkwaa ɡrepo da kpale kpɔ ɡwaa daa aa lɔ kɔr bini bɛlbwa kpale ɔ?

Ɛsekeɛl 15:4

Dɛ ba kpɔɔ do nii ta o nyoo la fuh, o kabora la ta fueh chiɡ aa, o wer tɛ waane ja aa?

Ɛsekeɛl 15:5

O fa aa ɛ bir la, dɛ waa were tɛ komɛlbwa naa, bɔkwa tɔnɔɔ baa doo nii ta o nyoo la fuh, o kabora la ta fueh chiɡ la, ó berɛ dɔ jaɔ?”

Ɛsekeɛl 15:7

Mɛɛ tɛr ba deŋnee. Ba le nii ane nyoa te, nii la ɛɛ berɔ fuuh ba. Maa ba tɛr ba deŋne la, anee he jemɛ kɛŋɔ menee Korowii.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”