Ɛsekeɛl 14:7 - mzwDBL

⁷ Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo.

Ɛsekeɛl 14:7 ပူးပေါင်းရင်းမြစ်များ

Kaala 12:48

Nɛŋhɔɔh bɛlbwa waa baa so he bini dɛ nyin o di Galekaa kondikwaa nɔ Korowii sɔn ta naa, a chɛ kɛŋɔ ó teŋe o bibaala ne baala baa lɔ o dem bwa pena, ásɛ he ne ba bwa ɛ nɛnsiwi beŋkpoŋ mɔɔ dɛ́ won di ane. Bibaa te bɛlbwa baa wola o pen teŋe la ta chɛ kɛŋɔ ó di ane.

Tɔn Jud Aa Chwera 1:19

A ɡɛ nɛra nɔɔ ɡela he ne he asɔre tena dɔŋa baah ɛɛ peɡri la. Harɛ bonɔ som lɛ ba liire bwa. Korowii Domadɛɛɡe la toole ba nɛɛ kwaraa.

Hosia 9:10

Korowii ŋɔ, “Gɛ saŋ maa na he Israel tena la, n sie lɛo kɛŋɔ maa na ɡrepo nɔna pua hɛŋle ɡbo harɛ ta ken. Maa na he naawa la, a do kɛŋɔ maa na fiɡ nɔnloɡle waa swɛɛra ken. Kɛ baa bera ka tomɛ voɡ Baal Bwejen Peɔ la, ba waa doŋo kɛ voɡ la ken.

Hosia 4:14

Maa he bihaahna baa dɛ bɔ jwamane la deŋnee tɛr, ɡɛɛ maa wola he bibaala haahna ɡe deŋnee tɛr ba yal chɔɡa wa. He baala nɔ ɡbabir deŋnee mɛɛ ba tɛra, dɛkalkɛ he ne haahna la dɛ bɔ jwamane dɛ kaa ɛ saraha voɡa ta, nɛra baa wola waa mun no la ɛɛ heo!

Jeremia 37:17

A habɔɔ la, Kooro Sedekia tomɔ ba ba yer mɛ ba o be koodem. Asɛ o bɔɔ mɛ bokɛre ŋɔ, “Waane lole dɛ le Korowii be tɛ yaa kɛɛ?” Anee n chaŋe ŋɔ, “Waane lole, baa lawɛɛ tɛ Babelɔn kooro.”

Nɛra Kura 15:29

A ɡɛ Mmara nɔ chɔɔ tɛ nomɛlbwa waa wola saahnɛ ɛ wechɔɡa, hale Israel te kɛɛ hɔɔh bɛlbwa waa soɡe he bini.

Nɛra Kura 15:15

Wesiwi beŋkpoŋii chɛ kɛ á chɔ le tɛ Israel tena ne hɔɔhra bwa. Gɛ waa nɔ chɔ le saŋ te bɛlbwa, dɛ tɛ he naanar baa ka ba bwa. He ne hɔɔhra la bwa ɛ nɛmbeŋkpoŋ men Korowii sie.

Lewi Dea Tena 24:22

Mmara beŋkpoŋii chɛ kɛ ó chɔ le tɛ deela ne hɔɔhra bwa. Menee Korowii haa dɛ tom mɛ la.’ ”

Lewi Dea Tena 20:2

ó bol Israel tena be ŋɔ, “He bini bɛlbwa kɛɛ hɔɔh bɛlbwa waa soɡe he bini, dɛ lawɛ o bie bɛlbwa ɛ saraha ba kpo tɛ voɡ Molɛk la chɛ kɛ bwɛɛ la ta tena foɡro bwea kpo.

Lewi Dea Tena 16:29

A ɡɛ Mmarare nɔ chɛ kɛŋɔ á chɔ le tɛ heyaa saŋ bɛlbwa dɛɛ la. Korobinuanɛ te la tɔpera fi ta, a chɛ kɛ hé vɔwɛ nyoa dɛ bɛ toma bɛlbwa ɛ, Israel te kɛɛ hɔɔh bɛlbwa waa soɡe he binii yoo,

Kaala 20:10

kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Ɛsekeɛl 3:20

Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

Hosia 4:5

Chɔɔ ne jwaana bwaa hɛɛ lɔ na, he ne Korowii keamere bwa. Gɛɛ mɛɛ ba Israel waa ɛ he nya la chɔɡa.

Mmarare 29:19

Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.