Ɛsekeɛl 14:4 - mzwDBL

⁴ Anomanta, ŋɔ ba be ŋɔ, kenii men Nemenɛ Korowii ŋɔ, ‘Israel te bɛlbwa o bambile aa cheɡɛ voɡa ta, aa kaa o ne wechɔɡa ta la, o ba n keame be dɛɛ nyin waane dɛ́ no aa, men Korowiirii dɛɛ ba baɡla ɡɛ maa dɛ ba o voɡa la ɛɛ.

Ɛsekeɛl 14:4 ပူးပေါင်းရင်းမြစ်များ

2 Koranar 1:16

Elaeja aa tel bela la, o ŋɔ Kooro Ahasia be ŋɔ, “N naa kooro, waa Korowii aa dɛ bol he be laanee kɛŋɔ, Korowiirii wola toole Israel harɛ ta waa he tomɛ toroma ŋɔ bá la ka bɔɔ le Ekron voɡ Baal Sibub ta he weela nɔ waa naa? A ɡɛ nomanta, haa kalaŋ ta ira ba, sewaa chɛ kɛ he sewɛ.”

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

Aesaya 66:4

Anomanta, mɛɛ kpɔ wekpeɡaa ba ta ba nɛ, waa baa dɛ ɔma kohona la. Dɛkalkɛŋɔ n yer ba, bɛlbwa ta chaŋɛ, dɛ bol wa, bɛlbwa ta deŋne cheɡɛ dɛ no. Ba berɛ habɔɔ kpo mɛ, dɛɛ ɛ waa maa wola nyin.”

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Ɛsekeɛl 14:6

Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.

Ɛsekeɛl 14:7

Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo.

Ɛsekeɛl 2:7

Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa.

Ɛsekeɛl 3:4

Ate, o berɔ ŋɔ n be ŋɔ, “Nɛwɛnyini bie, name la Israel tena be ka bol n waa maa kpɔa tɛɛ la baɡ ba.

Ɛsekeɛl 44:12

Baa tomɛ voɡa dɛ ɡel Israel tena ɛ wechɔɡa nomanta, n ir nɔn dɛ ŋwɛɛ kɛŋɔ a chɛ kɛ ba dɔ deŋnetɛra ba wechɔɡa la wa. Men Nemenɛ Korowiirii bola.

Sefania 1:3

Mɛɛ chɔɡ nɛwɛnyina ne ola bwaa, ne jumbii aa dɛ ɡah nyundua, ne mpo bini pɛŋa bwa. Nɛnchɔɡa ɛɛ daŋɔɔ chɔ kɛŋɔ dea aa chola chɔ ken, dɛ́ chɔɡ nɛwɛnyina bwa, nomɛlbwa aa wola ka. Men Korowiirii bola.