Ɛsekeɛl 14:14 - mzwDBL

¹⁴ Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Ɛsekeɛl 14:14 ပူးပေါင်းရင်းမြစ်များ

Mumpar 6:8

Kɛ Korowii sie lɛ Nowa te nɛ.

Mumpar 7:1

Korowii ŋɔ Nowa be ŋɔ, “He ne he bii ne he bii haahna bwa ka jo daka la bini. N nao kɛŋɔ harɛ nɔ ta, he ɡboo ɛ nɛn he wa aa toɡra.

1 Webena 1:4

Bibaala batoroo Nowa lolɛ. Banee Sɛm ne Ham dɛ Jafɛt.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Sɛɡla 11:4

Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.

Jeremia 11:14

Jeremia, bɛ nɛra nɔ naa ta che soŋe le n be tɛɛ ba, dɛkalkɛ ba wio yer mɛ ba sibeɡre wee ta naa, maa ba bee no.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 7:16

Belaa Korowii ŋɔ, “Jeremia, bɛ wobɛlbwa soŋe tɛ nɛra nɔ, dɛɛ berɛ ba naa ta cheɡa soŋe ba wechɔɡa n be tɛɛ ba. Dɛkalkɛ maa he bee no.

Ɛsekeɛl 14:16

hale dɛ ɡɛ baala batoro nɔ lɔ harɛ la ta naa, n ŋwɛɛrɔ kɛŋɔ men Nemenɛ Korowii taa lole nɔ, baa won lɛ ba bibaala kɛɛ bihaahna nyu. Ba ɡbosoroo dɛ́ dɔ ba nyu, kɛ harɛ la te bwa ɛɛ chɔ pɛɛ.

Ɛsekeɛl 14:18

hale dɛ baala batoro la lɔ o ta kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa won lɛ ba bibaala kɛɛ bihaahna nyu. Ba ɡbosoroo dɛ́ dɔ ba nyu.

Ɛsekeɛl 14:20

hale dɛ Nowa ne Daneɛl dɛ Job lɔ bela kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa wona ba dɛ́ lɛ ba bibaala kɛɛ bihaahna. Ba ɡboo dɛ́ won dɔ ba nyu ba wedɛɛɡa wa.”

Ɛsekeɛl 16:18

He kpɔ he yale baa sɔh kwaa dawɛ a ta la bɔla, dɛ kpɔ noo ne daawiile a sɔɔh aa soma n kpɔ tɛɛ la tɛa.

Ɛsekeɛl 16:20

He lawɛ he bibaala ne bihaahna haa lol ba tɛ mɛ la, dɛ kpoo ba ɛ saraha tɛ voɡa. He jwamane la ɡbo ta maɡraa?

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.

Ɛsekeɛl 28:3

He wejema ɡwaa Danɛl aa? Wobɛlbwa toole he nɛɛ dɛ sɔh aa?

Ɛsekeɛl 3:19

Kɛ dɛ he kah wechɔɡ-ɛɛ la o ta o wechɔɡa ŋwɛnɛre la ta leɛ yaa, wɛɛ sewɛ o wechɔɡa taa. Ate, hɛɛ dɔ he nyuu.

Daneɛl 1:6

Nɛra baa kaa lee ba le Juda dea tena bini la banee, Daneɛl ne Hanania ne Mesael dɛ Asaria.

Daneɛl 10:11

Baa la ŋɔ n be ŋɔ, “Daneɛl, Korowii dɛ nyin he waa taeh. Ir che dɛ́ no waa maa dɛ ba he be bola nɔ kɛrɛdɛ. He bee ba tom mɛ.” Waa bol waa la n be la, n iro che dɛ n bwara ta dɛ sa.

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.