Ɛsekeɛl 13:6 - mzwDBL

⁶ Ba wepila ne ba nyosonwaa baa ŋɔa aa bao kerekere la bwa ɛ nyosone, ba ŋɔ men Korowiirii bola, dɛ n laa tom ba, dɛ ta ɛɛ nyiŋi kɛŋɔ anɔ la baa bola la ɛɛ ɛo.

Ɛsekeɛl 13:6 ပူးပေါင်းရင်းမြစ်များ

1 Koranar 22:12

Dɛ ɡɛ tentenee keamere la bwa bol Korowii waa dɛɛ ŋɔ, “Ka yo Ramɔt Gelead tena, hɛɛ pɔ ba nɛɛ. Korowii ɛɛ ɡeloo he pɔ ba nɛ.”

1 Koranar 22:15

Mikaya aa ba Kooro Ahab be la, Kooro pɛɛro ŋɔ, “N ne n dɔŋ Kooro Jehosafat ka yo Ramɔt Gelead tena kɛɛ yá ɡel ɔ?” Mikaya chaŋe ŋɔ, “Hé la ka yoo ba, Korowii ɛɛ ɡeloo hé pɔ ba nɛ.”

1 Koranar 22:27

dɛ́ ka ŋɔ ba be ŋɔ, n ŋɔ bá lawɔ do dea, dɛɛ tɛo paanoo ne nee ɡbo ka tel kɛŋɔ maa ba jo sɔnɔnɔɔ.”

1 Koranar 22:37

Anomanta, Kooro Ahab sewɔ ba kaa o ne Samaria ka huɡe.

1 Koranar 22:6

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba. Korowii ɛɛ kpɔ baa do he nɔn taa.”

Sɛɡla 14:15

Gɛnee yon dɛɛ yarada wobɛlbwa waa dɛ no, kɛ wejereme te dɛ́ nyiŋi o vala bini.

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Jeremia 28:1

A ɡɛ waa aa teŋa nɔ chiɡo ɡɛ saŋ Juda Kooro Sedekia aa di kora bene anaarɛ korobinue te la ta. Belaa Korowii keame bɛl baa dɛ yerɔ Hanania, o mɛɛ sɔne Asuur o le Gebeɔn, o bol waa men Jeremia be Korowii Dea, nɛra la ne sɔfore bwa sie dɛ ŋɔ,

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Jeremia 28:2

“Waa Koranar Bwa Kooro, Israel tena aa dɛ tomɔ la aa dɛ bol laanee nɔ, ‘Mɛɛ kuuɡi Babelɔn kooro kpeɡri, waa do kɛŋɔ ba yon kpɔ daa dawɛ nae nɛɛ aa parɛ laanee.

Jeremia 29:31

“Kpɔ kala nɔ ka tɛ nɛra baa laɡ ba laa ta kaa harɛfale ta bojaŋ la. Ŋɔ Sɛmaya waa ɛ Nehelam te dɛ ba bol Korowii waa la baɡle la, n laa tomɔ, asɛ o neɡre dɛ ɡel he yarada waa aa ɛ nyosone.

Jeremia 29:8

Men Koranar Bwa Kooro, Israel tena aa dɛ tom mɛ dɛ́ kah heyaa ásɛ he bɛ ɡel keame nyosonteŋna ne voɡra baa soɡe he bini la ɛɛ neɡre heya. He bɛ wepila baa ŋɔa ba dɛ na la yarada.

Jeremia 37:19

He keamere baa ŋɔa ŋɔ Babelɔn kooro aa he harɛ nɔɔ ba yo la bɔkwa waa puu baɔ?

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Ɛsekeɛl 13:7

N ŋɔ ba be ŋɔ, ‘He wepila haa naa la bwa ɛ nyosone, asɛ waa haa ŋɔa aa bao la ɡe ta kasinteŋ ɛɛ. He ŋɔ, men Korowiirii pila dɛɛ baɡle heya, dɛ n ɡe laa bola.’ ”

Ɛsekeɛl 21:23

Jerusalam tena noɔ waa baa yarada, fɔo ba ne kooro la aa fɔwa la wa. Kɛ aa ɡeloo ba lii ba wechɔɡa baa ɛa, ásɛ ba laɡ ba laa ta.

Ɛsekeɛl 21:29

Amɔn tena, he wepila haa dɛ naa, ne waa haa ŋɔa aa bao la bwa ɛ nyosone. He ɛ nɛnchɔɡa, he nyu bini kpeɡri. He tɔpere telo, he deŋnetɛra tɔpere la telo tonɛ.

Ɛsekeɛl 22:28

Ba keamechɔɡa laa sie kpɔ ɡɛ wechɔɡa nɔ ta, kɛŋɔ baa kpɔ fula lɔ dekɔɔh danjwɛ ta, dɛ tɔ o peɡra ta ken. Ba won nyosone teŋa ŋɔ ba na waane wepila ta, dɛɛ baɡle ŋɔ waane ɛɛ bao, dɛɛ neɡre nɛra ŋɔ men Nemenɛ Korowii bee a le, dɛ n laa bol wobɛlbwa.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Amanesoma Mak Aa Chwera Tɔn 13:6

Nɛra ɛɛ warɔɔ dɛ́ kpɔ n sɔn ba dɛ́ ba ŋɔ banee men. Ba bɛlbwa ɛɛ ŋɔɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛra la, dɛ́ neɡre nɛra pirim.

2 Tesalonika 2:11

Anomanta, o ɡelɔ nyosone o nyoa aa kpeɡa ɛɛ ba ba be dɛ ba tɔɔɡe ba sie, asɛ baa yarada waa aa ɛ nyosone,

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.