Ɛsekeɛl 13:5 - mzwDBL

⁵ Baa sie do danjwɛɛre aa peɡra la ta, dɛ́ kwaara, ásɛ dɛ laa dɛ ba naa, ba won lɛ Israel ta, dɛ́ won che Korowii Tɔpere La nyoa.

Ɛsekeɛl 13:5 ပူးပေါင်းရင်းမြစ်များ

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 13:9

Hé na! Tɔpere Korowii aa lea cheɡ la dɛ ba. Awola tɔpere la aa werii do kwara, o baah ɛɛ diu taeh. Wɛɛ ɛ harɛ nɔɔ kɛŋɔ pua hɛŋle ɡbo harɛ ken, dɛ́ chɔɡ wechɔɡ-ɛɛra le o ta.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 27:4

N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Aesaya 34:8

Korowii le tɔpere bɛl cheɡ, dɛ́ ba lɛ Jerusalam tena, dɛ́ chɔɡ ba dɔma bɔ kem.

Aesaya 58:12

Ásɛ he nɛra won berɛ kwaa vɔrɔwe saŋ la bwɛɛre aa paɡra, dɛ berɛ dimɡbeeni la cheɡ a buɡ ta. Baa yerɛ heyaa nɛra haa won danjwɛɛre aa kuuɡa kwaaraa, ne nɛra haa won deene aa choɡla mae.”

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 23:22

Dɛ n ne ba fe chemo, ba jemɛ n liire ne n wesɔɔhla la aa, n nɛraa ba fee ka bol n waa la baɡle, ásɛ ba charɛ ba liire le ba wechɔɡa ne nyubinikpeɡ we-ɛɛla bwa ta.

Jeremia 27:18

Dɛ ba ɛ Korowii keamere kpela aa, bá bɔɔ le men Koranar Bwa Kooro be, ásɛ n bɛ ɡel laala a yoɡ aa kpeɡa dɛ do n Dea, ne anɔ la aa lɔ koodem bela la, ba paa kaa Babelɔn harɛ ta.”

Ɛsekeɛl 13:4

Israel tena, he keamere la do kɛŋɔ dimɡbia kalampoŋare ken.

Ɛsekeɛl 22:30

N nyiŋo kɛŋɔ mɛɛ na nomɛl ba binii ó ba ma Jerusalam danjwɛɛ la bela waa kua la, dɛ́ che ba naa ta, dɛ́ lɛ bwɛɛ la ta, ásɛ n fee ɡel o chɔɡa, kɛ n ta nomɛlbwa nae.

Ɛsekeɛl 30:3

Tɔpere la telo tonɛ. Tɔpere Korowii aa bol Ijipt harɛ tena waa la telo tonɛ. Baama ɛɛ tɔɔ awola, ásɛ harɛre bwa chɔɡ.

Ɛsekeɛl 7:19

Baa kpɔ ba suuɡapoŋa ne suuɡaswɛmee ta fɔɡbaahna kɛŋɔ chaa. Ba suuɡapoŋa ne suuɡaswɛm la aa won lɛɛ ba le men Korowii bandia tɔpere la ta. Baa won kpɔa yawɛ kwaa di, baa won dia ɡe dɛ́ vaɡɛ, dɛkalkɛ a taa ba lɔ naa dɛ ɛ wechɔɡa.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Joel 3:14

Nɛra kaɡboŋa baa wola nyoa dɔe, lɔ Jehosafat Fɛlembɔjen bini. Dɛkalkɛ, Tɔpere Korowii aa lea cheɡ la telo tonɛ, fɛlembɔjen la bini.

Malakae 1:9

Taraken, dɛ he sɔfore dɛ soŋ mɛ ŋɔ ń kpɔ kɛ heya aa, mɛɛ no he wesoŋaa yaa? Maa he wesoŋaa no. Men Koranar Bwa Kooroo bola.”

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Wepila 16:14

Bɔnsam kwaa, asɛ a won dɛɛ ɛ nyokpowa. A leɔ dɛɛ kaa harɛ nɔ ta koranar bwa be, dɛ́ ka lawɛ ba bwa cheme bá yo Korowii Waa Ɛ Kpeɡri Bwa Dɔɔ laa o tɔpejen la ta.

Wepila 6:17

dɛkalkɛŋɔ ba tɔpejen la telo, nɛra ɛɛ ba ba danana nee nyɔe. Anomanta, umee dɛ́ won le a nyoa ɔ?”

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.