Ɛsekeɛl 13:4 - mzwDBL

⁴ Israel tena, he keamere la do kɛŋɔ dimɡbia kalampoŋare ken.

Ɛsekeɛl 13:4 ပူးပေါင်းရင်းမြစ်များ

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Galaasia 2:4

Dɛ nɛra la bane tea bini laa ɡɛ baa ɡel Taetos la. Dɛ a ɡɛ nɛra nɔ dɛ ɛ ba te kɛŋɔ asɔre tenaa ban ken dɛ sɔh jo ya bini, dɛ baa nyiŋi dɛ́ jemɛ ya asɔre tena dɔe yaa dɔ ya te Mosis Mmara aa wola yaa vɔrɔwe la bini, dɛkalkɛŋɔ Yeesu Kristo toma nomanta, ya ne o ɛ beŋkpoŋ. Dɛ ba dɛ nyin ba hɛ yaa yá berɛ dɛɛ ɛ waa yaa vɛah la.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Maeka 3:5

Waa Korowii aa dɛ bol laanee nɔ. “Keame nyosonteŋna ɡelɔ n nɛra nyoɡre, ba dɔ komɛl dɛ́ le nɛra be dɛ di aa, ba soŋe deŋnesɔɔhna dɛɛ tɛɛ ba. Ba ta komɛlbwa dɔe le ba be tenaa, ba dɛ kpɔ ba te dɛ́ ka yoo ba laa.

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Yelsom 2:15

Lawɛ kalampoŋare aa do jeɡre la mɔɔ á chɔɡ ya daa kooni aa dɛ ba fee la.

Ɛsekeɛl 13:3

Nemenɛ Korowii ŋɔ, “Keame ɡɛna la bwɛɛlɛ. Ba cheɡɛ ba ɡbaɡba wejema ta, dɛ ŋɔ ba dɛ na chaahna, dɛ ba ta wobɛlbwa nae.

Ɛsekeɛl 13:5

Baa sie do danjwɛɛre aa peɡra la ta, dɛ́ kwaara, ásɛ dɛ laa dɛ ba naa, ba won lɛ Israel ta, dɛ́ won che Korowii Tɔpere La nyoa.

Wiile 5:18

dɛkalkɛ Saayɔn Bwejen chɔ pɛɛ, asɛ kalampoŋare do o ta dɛɛ ɡaaɡe.