Ɛsekeɛl 13:22 - mzwDBL

²² He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Ɛsekeɛl 13:22 ပူးပေါင်းရင်းမြစ်များ

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 23:9

A ɡɛ waa nɔ ɛ Korowii keamere wa. N loo kuu a kpɔ bochela ta n nɛ, n hoɡa bini bwa ɛɛ wee mɛ. N do kɛŋɔ sennyɔdɛɛ ken, kɛ nɛn waa nyɔ sen kohona, Korowii waa aa do ɡoroŋ o bol n be la wa.

Jeremia 28:16

Anomanta, Korowii dɛ ba he kpoe le harɛ nɔ ta. Benanyoa ne chema dɛ he sewɔ, dɛkalkɛ he ɡelɔ nɛra nɔ berɛ habɔɔ kpoo. Gɛɛ Korowii ŋɔ.”

Jeremia 29:31

“Kpɔ kala nɔ ka tɛ nɛra baa laɡ ba laa ta kaa harɛfale ta bojaŋ la. Ŋɔ Sɛmaya waa ɛ Nehelam te dɛ ba bol Korowii waa la baɡle la, n laa tomɔ, asɛ o neɡre dɛ ɡel he yarada waa aa ɛ nyosone.

Jeremia 29:32

Anomanta, mɛɛ tɛr Sɛmaya ne o naanar deŋnee. O nɛmbeŋkpoŋ kwara aa ka dɛ́ do nɛra nɔ bini. Waa kondɛɛɡa maa dɛ ba kpɔe tɛ n nɛra la nae ba, dɛkalkɛ o ɛ deŋnekpeɡ o ta n waa ta teŋɛ. Men Korowiirii bola.”

Jeremia 34:16

Kɛ he berɔ charɛ he liire dɛɛ chɔɡ n sɔn, bɛlbwa berɔ ka lawɛ baa kɛɛ haah o fa aa ɛ yom he lawɔ la. He berɔ ɛɡ ba dɛ ɛɛ ba yoma ja.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 4:10

Anee men Jeremia ŋɔ, “Nemenɛ Korowii, he neɡre Jerusalam tena kohona. He ŋɔ baa dɔ deŋnesɔɔhnaa. Na ɡɛ kere aa jaɡɛ ba baŋa baa ba ba kpoora.”

Jeremia 6:14

Ba na n nɛra ŋwɛra dɛ ŋɔ kuree. Dɛɛ bol ŋɔ, ‘Deŋnesɔɔhna lole,’ kɛ dɛ deŋnesɔɔhna bɛlbwa toole.

Jeremia 8:11

Ba dɛ jaɡre n nɛra ŋwɛra dɛɛ liira kɛŋɔ a ɛ kure, anomanta, baa lii kɛ a ɛ sibeɡra. Dɛɛ bol ŋɔ, ‘Deŋnesɔɔhna, deŋnesɔɔhna,’ dɛ deŋnesɔɔhna bɛlbwa ɡe toole.

Ɛsekeɛl 13:16

Israel harɛ keamere la ŋɔ deŋnesɔɔhna lɔ Jerusalam, kɛ dɛ deŋnesɔɔhna ɡe toole. Men Nemenɛ Korowiirii bola.’ ”

Ɛsekeɛl 18:21

Kɛ dɛ wechɔɡ-ɛɛ ɡel wechɔɡa waa ɛa, dɛɛ teŋɛ me Mmarare bwa ta, dɛɛ ɛ anɔ la aa toɡra dɛ do wer aa, wɛɛ dɔ o nyuu kɛrɛdɛ, waa sewɛ.

Ɛsekeɛl 18:27

Kɛ dɛ wechɔɡ-ɛɛ charɛ o liire le wechɔɡa waa ɛa ta, dɛɛ ɛ anɔ la aa wera dɛ toɡre aa, wɛɛ dɔ o nyuu.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Emɔs 5:12

N jemɛ ɡɛ he wechɔɡa aa kana, dɛ jemɛ wedoŋa bwa haa ɛa. He ɛɡre nɛra ba wa aa toɡra, dɛ ɡel baa yawɛ heyaa sen, haa nyaara waa bolɛ dɛɛ tɛɛ ba aŋwɛnɛ ta kɔɔto.