Ɛsekeɛl 13:17 - mzwDBL

¹⁷ Korowii ŋɔ men Ɛsekeɛl be ŋɔ, “Nɛwɛnyini bie, eɡle sie ta haahna baa cheɡɛ ba ɡbaɡba liire ta dɛɛ bol waa aa dɛ ba ba nɛɛ bala kerekere la nɛ, kah ba,

Ɛsekeɛl 13:17 ပူးပေါင်းရင်းမြစ်များ

2 Koranar 22:14

Anee sɔfo Hilkia ne Ahikam ne Akbɔ ne Safan, dɛ Asaya la Korowii keame bɛl waa ɛ haah baa yerɔ Hulda be, dɛ ka bɔɔ le o be. Dɛ Korowii keame Hulda soɡe Jerusalam bampera bofale. O jaaree Tikva bibaa Salum, asɛ o nabaa sɔne Haahas. Onee dɛɛ nyiŋi Korowii Dea batakaarere ta.

Nehemia 6:14

Asɛ n soŋe Korowii ŋɔ, “N Naa Korowii, nyiŋi waa Tobia ne Sanbalat aa ɛa nɔ, dɛ́ tɛr ba deŋne a wa. Berɛ lii kɛŋɔ he keame bɛl waa ɛ haah baa yerɔ Noadia, dɛ keamere baa jaa ɡe jao dɛɛ aah mɛ ɡɛ.”

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Ɛsekeɛl 13:2

“Nɛwɛnyini bie, kah Israel keamere baa kpɔ ba ɡbabir liire dɛɛ bol waa aa dɛ ba bala la. Ŋɔ ba be ŋɔ, bá cheɡ deŋne, dɛ́ no waa maa dɛ bol.”

Ɛsekeɛl 20:46

“Nɛwɛnyini bie, kpɔ sie pa weekaŋle harɛbɔr dɛ́ bol waa aa dɛ ba kɔr la ta bala.

Ɛsekeɛl 21:2

“Nɛwɛnyini bie, eɡle sie ta Jerusalam tena nɛ, dɛ́ bol ba be ŋɔ, bɔra baa dɛ tom mɛ a ta la aa were. Kah Israel harɛ ta tena ŋɔ,

Ɛsekeɛl 4:3

Kpɔ buni loɡ cheɡ he ne berekese la haa ɛ bwɛjen la dawɛ o ta la baah ta, dɛ́ kpɔ sie chaɡɛ bwɛjen la, á do kɛŋɔ he tɔ bwɛjen la do, á baɡle waane tɛ Israel tena dɛ́ kah ba.

Amanesoma Luk Aa Chwera Tɔn 2:36

A ɡɛ saŋ la, dɛ luhaah bɛl lole dɛ ɛ Korowii keame, baa yerɔ Hana. Dɛ Fanoɛl bihaahnee on, asɛ o le Aasa dea. Dɛ o hwɛɛhrɔ. O yalɔ o toli saŋ, o ne o jaa so bene anuanɛ asɛ o jaa la ba sewɛ.

We-ɛɛla 21:9

Dɛ o dɔ bihaahna banaarɛ baa wola yalɛ bwa, asɛ Korowii Domadɛɛɡe la cha ba ba yon dɛɛ bol Korowii Wa.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Sitɔɔla 4:4

Dɛ haah bɛl sɔne Dɛbora dɛ ɛ Korowii keame, dɛ ɛ Israel tena sitɔɔ ɡɛ saŋ. O jaa sɔne Lapedɔt.