Ɛsekeɛl 13:14 - mzwDBL

¹⁴ O ŋɔ, “Mɛɛ taɡɛ danjwɛɛ baa lɔɔ fula laanee ta ó bwa chɔ harɛ, ásɛ bwea baa kpɔa pa o mun la chɔ baŋ. Waa ba chole la, he bwa ɡe dɛ ba serewa. Ásɛ he jemɛ kɛŋɔ menee Korowii.

Ɛsekeɛl 13:14 ပူးပေါင်းရင်းမြစ်များ

Yela 11:3

Dɛ nyubinikpeɡ tena chɔɡ wedɛɛɡa ŋwɛnaa, ɛrɛɛ nɛra baa dɛ teŋɛ Korowii waa ta ɛɛ ba ɛɛ yɔ?”

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Aesaya 28:17

Kasinteŋii mɛɛ ba kpɔe berɛ ŋwɛn ba kpɔ dɛɛ maɡɛ kon, dɛ́ kpɔ waa aa toɡra berɛ kon demamaala aa kpɔa dɛɛ toɡre dea. Dompeu ne nee dɛɛ ba a palɛ nyosone haa kpɔa tɔ he te la kaa.

Aesaya 30:13

he wechɔɡa ɛɛ ɛ heyaa kɛŋɔ danjwɛɛ waa pera dɛɛ ba chola, asɛ dɛ piɡri chole buɡ ta la.

Jeremia 14:15

Anomanta, waa men Korowii aa dɛ bol keamere baa dɛ bol waa n sɔn ta dɛɛ teŋe nyosone laanee nɔ. N ta ban tomɛ, kɛ ba dɛ bol ŋɔ laa kɛɛ lɔr aa harɛ nɔ taa ba. Kɛ a ɡɛ keamere la, baa kpoo ba laa taa, lɔr ɡe kpo ba, ba serewe.

Jeremia 23:15

Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Ɛsekeɛl 13:15

Danjwɛɛ la ne nɛra baa kpɔ fula lɔɔ la nɛɛ mɛɛ ba n bandia ne bala, dɛ́ ŋɔ he be ŋɔ, ‘Danjwɛɛ la kuuɡo, ɡɛɛ nɛra baa lɔɔ fula la ɡe aa wola lee do kpa.

Ɛsekeɛl 13:21

Mɛɛ wur he sɛmbɛ botini laanee ta, dɛ́ lɛ n nɛra le he nɔn ta, ásɛ ba le he bela la ta kwaraa. Ásɛ he jemɛ kɛŋɔ menee Korowii.

Ɛsekeɛl 13:23

Haa wepila ne nyosonwaa aa dɛ ba bala laanee na kpa. Mɛɛ lɛ n nɛraa le he nɔn ta, ásɛ he jemɛ kɛŋɔ menee Korowii.’ ”

Ɛsekeɛl 13:9

Mɛɛ tɛr he keamere haa ŋɔa he dɛ na wepila ne waa aa dɛ ba bala kerekere a ɛ nyosone la deŋnee. Haa n nɛra Israel tena nɛɛ ja, kɛɛ bá chwerɛ he sɔna ja ba nɛ. He bɛlbwa nakpala aa Israel harɛ taa tire kpa. Ásɛ he jemɛ kɛŋɔ menee Nemenɛ Korowii.

Ɛsekeɛl 14:8

N siwi ɛɛ beɡre naate nɛɛ, ásɛ nomɛlbwa che a ta dɛ́ hweli wa. Mɛɛ pere naatee le n nɛra Israel tena bini. Ásɛ he jemɛ kɛŋɔ menee Korowii.

Maeka 1:6

Anomanta, Korowii ŋɔ, “Mɛɛ ɡeloo Samaria berɛ dimɡbia, baa parɛ ɡrepo daa koonii, dɛ́ kpɔ a nɔna dɛɛ ɛ sen bela, dɛ́ taɡɛ o danjwɛɛ bwea bwa ka do fɛlembɔjen ta, ásɛ o mumpar bwea bwa chɔ baŋ.

Habakuk 3:13

He leɔ ba kɛŋɔ he ba lɛ he nɛra, ne nɛn haa leo o ɛ kooro. He chɔɡ harɛ baa dɛ ɛ wechɔɡa o ta nomoa, dɛ lɛ o kpeɡri bwa.

Amanesoma Luk Aa Chwera Tɔn 6:49

Nomɛlbwa ɡe waa no n waa nɔ, waa wola ɡɛ aa baɡla la ɛ la, o do kɛŋɔ nɛn waa do o dea, o ta o mun pae bɔɔ kwii ka jaɡɛ bwetal ta mɔɔ dɛ den doo la. Nee aa pala ba jo dea la mun ta la, o cholo dɛ chɔɡ kwaraa.”