Ɛsekeɛl 13:11 - mzwDBL

¹¹ Ŋɔ keamechɔɡa la be ŋɔ, ba danjwɛɛ la dɛ ba chola. Mɛɛ ɡeloo bwaala nɛ kohona, dombwea lee o ta, ásɛ peukpeɡ ta kohona lɔɔ.

Ɛsekeɛl 13:11 ပူးပေါင်းရင်းမြစ်များ

Job Tɔn 27:21

Peu waa le wee leebɔr ta dɛ́ ba kpɔ ba kaa, dɛ́ le ba ne ba deremi ta kaa.

Job Tɔn 38:22

He jemɛ bela maa ɡela mɛn ne dombwea do aa?

Job Tɔn 38:23

N lea cheɡ tɛ wenaale ne laa yoi tɔpera.

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Aesaya 28:2

Hé na, Korowii dɔ nomɛl waa dɔ jirima o bwara ɡe do kpeɡri. O bala bini do kɛŋɔ dombwea aa dɛ lee la, kɛɛ dompeu chɔɡe waa taa dɛɛ chɔɡ kwaa la. Wɛɛ taɡɛ bwɛɛ laanee ɡo harɛ, kɛŋɔ bwaala yon nɛ kohona, dɛ́ chɔɡ kwaa dɛ́ pala kaa la.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Aesaya 32:19

Hale dombwea lee kɔr la ta, bwɛjen la chɔɡ kwaraa naa,

Ɛsekeɛl 1:4

N nao kɛŋɔ peukpeɡ bɛl aa taa dɛ kpɔ bam waa kana le weekaŋle nyunduabɔr, nii baro cheme, o bini ɛɛ nyɛɡle pelɔpelɔ ken. Waa dɛ nyɛɡle la, komɛl do kɛŋɔ ayaawa ken dɛ do o bini.

Ɛsekeɛl 13:12

Danjwɛɛ la baa chole aa, nɛra ɛɛ bɔɔ heyaa ŋɔ, fula baa kpɔa lɔ danjwɛɛ la munii ɛrɔɔ?”

Ɛsekeɛl 38:22

Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.

Neehum 1:3

Korowii baah aa di warawara, o dɔ kpeɡri kohona. Waa wechɔɡ-ɛɛ bɛlbwaa ɡel dɛ o ta o deŋne tɛrɛ. Bobɛlbwa Korowii aa dɛ valɛ la, belaa kawulewule ne dompeu ɛɛ ta, asɛ baama ɛ o nakpale tutuɡ.

Matiu 7:25

Bwaala nɛo, nenapala suuɡi, asɛ peujena ta. Kɛ dea la ta chole, dɛkalkɛ dɛ o chɔŋɛ bwe ta.

Matiu 7:27

Bwaala nɛo, nenapala suuɡi, asɛ peujen ta, asɛ dea la chole biram!”