Ɛsekeɛl 12:3 - mzwDBL

³ Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii.

Ɛsekeɛl 12:3 ပူးပေါင်းရင်းမြစ်များ

Yela 81:13

N dɛ nyin kɛ n nɛra fe aa no n deŋna wa, ásɛ dɛɛ teŋɛ n waa ta.

Jeremia 10:17

Jerusalam tena, hé boa he laala nyoa, dɛ́ le harɛ la ta, he dɔma chɔɔ bar heyaa dɛ́ ba yo heya.

Jeremia 26:3

Ba ken ɛɛ noo dɛ́ charɛ le ba wechɔɡa ta. Ba ɛ ɡɛ tenaa, mɛɛ charɛ n liiree chɔɡa n fe aa ŋɔa mɛɛ kpɔɔ ba ta ba nɛɛ laanee.”

Jeremia 27:2

ń kpɔ oltɔn ŋwɛɛra vɔwɛ da, dɛ́ kpɔ dawɛ n baŋa ta kɛŋɔ ba yon kpɔ daa dawɛ nae nɛ aa parɛ la.

Jeremia 36:3

Dɛ Juda tena no wekpeɡa maa dɛ nyin n kpɔ ba ta ba nɛɛ nɔ naa, ba ken ɛɛ charɛ ba liiree le ba wechɔɡa ta, ásɛ n kpɔ ba nyubinikpeɡ we-ɛɛla ne ba wechɔɡa kɛ ba.”

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.

Ɛsekeɛl 12:7

Anomanta, n ɛ ɡɛ Korowii aa do mɛ la. Bɔr aa chaahna la, n do n bone dɛ kpɔ le kɛ nɛn baa lawɔ dɛɛ kaa harɛfale ta la. Bɔr aa dɛ jo la, n kpɔ nɔɔra forɛ bɔɔ danjwɛɛ la ɡe ta, dɛ kpɔ n bone dawɛ n vam ta nɛra la bwa siwi ta dɛ le kaa.

Ɛsekeɛl 3:26

Mɛɛ berɛ he nyondoŋee he bol waa kahonɛ, haa won bol waa dɛ́ kah deŋnekpeɡ tena nɔ kpa.

Ɛsekeɛl 3:27

Dɛ n berɔ dɛɛ ba ba bol waa he be ja aa, mɛɛ ɡeloo he won bol wa, dɛ́ bol ba be ŋɔ kenii men Nemenɛ Korowii ɛɛ bol, ‘Bɛlbwa waa no la ɛɛ noo, bɛlbwa waa wola no la ɡe aa no, dɛkalkɛ deŋnekpeɡ tenaa wubwa.’ ”

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Ɛsekeɛl 43:11

dɛ sihiih kpo ba ba wechɔɡa baa ɛa la wa aa, baɡ ba ɡɛ n Dea la mar aa doa. Gɛ o bini mar ne o doonyoo baa cheɡɛ a ta jo dɛɛ le, dɛ́ baɡ ba o waa bwa. Chwerɛ waa nɔ bwa bil ba, ásɛ ba won na ɡɛ Dea la wobɛlbwa aa doa, ásɛ ba jemɛ dɛ́ won dɛɛ teŋɛ mmarare la bwa ta.

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Amanesoma Luk Aa Chwera Tɔn 20:13

Belaa koo te la ŋɔ, ‘Ɛrɛɛ ń ɛ jaɔ? Mɛɛ tomɛ n bibeŋkpoŋ maa dɛ nyin o waa nɔɔ. O te ba nao baa heehroo!’

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,