Ɛsekeɛl 12:2 - mzwDBL

² “Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.

Ɛsekeɛl 12:2 ပူးပေါင်းရင်းမြစ်များ

2 Koranar 17:14

Kɛ Israel tena ta noɛ, dɛ ɛ deŋnekpeɡ kɛŋɔ ɡɛ ba naawa aa wola Korowii baa dɛ tomɔ yaradae la.

2 Koranar 17:15

Ba vɛh waa Korowii aa do ba a ta la, dɛ vɛh fɔo o ne ba naawa aa fɔwa, ne kaeh waa kah ba la. Ba teŋɛ voɡa aa ɛ konsale nɛ, dɛ ɡbabir ɡe ɛ nɛnsale. Ba chaa harɛre aa bar ba la nɛra nawee we-ɛɛla, dɛ kpɔ ba da. Dɛ Korowii ŋɔ ba be ŋɔ, “He bɛ ɡɛ baa dɛ ɛ la ɛ.” Kɛ ba ɡarɔ ɛ ɡɛ Korowii aa kah ba ŋɔ ba bɛ ɛ la.

Yela 78:40

Keraŋwɛnɛ bwaa ba ɛ deŋnekpeɡ o nɛ, pua hɛŋle ɡbo harɛ ta, dɛ teŋɛ ɡel o bambile chɔɡ.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 30:1

Korowii berɔ ŋɔ, “Deŋnekpeɡ tena baa dɛ di kora Juda harɛ ta la, ba bwɛɛlɛ! Ba dɛ teŋɛ ba ɡbaɡba liire aa wola n be leɛ ta, dɛɛ fɔwɛ nyopɛo fɔo n Doma aa wola ba nɛɛ jae, dɛ ɛ wechɔɡa dɛɛ ja wechɔɡa ta.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Aesaya 43:8

Korowii ŋɔ, “Hé kpɔ nɛra baa dɔ sibie kɛ baa wola na, ne nɛra baa dɔ deŋna kɛ baa wola waa no la ba.

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.

Jeremia 4:17

Ba cheɡɔ bar Jerusalam kɛŋɔ baala aa dɛ daah koo, dɛkalkɛ o nɛra ɛɛ mɛ deŋnekpeɡ. Men Korowiirii bola.’

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Jeremia 5:23

Kɛ he nɛra nɔ te, he ɡɛnɔ dɛ ɛ bambikpeɡ nɛra. He berɛ habɔɔ kpo mɛ dɛ ɡel n toma ɛɛ.

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.

Ɛsekeɛl 12:1

Korowii ŋɔ men Ɛsekeɛl be ŋɔ,

Ɛsekeɛl 12:25

Men Korowii te, n bol wa aa, aa biɡri dɛ́ ba. Saŋ he deŋnekpeɡ tena nɔ aa lole nɔ taa mɛɛ bola dɛ́ ɛa. Men Nemenɛ Korowiirii bola.”

Ɛsekeɛl 17:12

“Bɔɔ deŋnekpeɡ tena la ba baɡle sɛɡla la mun.” Ŋɔ ba be ŋɔ, “Babelɔn kooro la Jerusalam, dɛ ka lawɛ bela kooro ne o nomonjena, dɛ kaa ba ne Babelɔn.

Ɛsekeɛl 2:3

Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.

Ɛsekeɛl 24:3

Kpɔ sɛɡla bol waa chaɡle Israel deŋnekpeɡ tena la be ŋɔ, men Nemenɛ Korowii ŋɔ, ‘Hé ɛ nee do vii bini, dɛ́ kpɔ chɔŋɛ nii ta.

Ɛsekeɛl 3:9

Mɛɛ ɡeloo he do kpeɡri kɛ bwe ken, dɛ́ do kpeɡri ɡwaa bwe waa kpeɡa te bɛlbwa, bɛ ban ɔmɛ. A lole kɛŋɔ ba ɛ deŋnekpeɡ tena.”

Ɛsekeɛl 44:6

Ŋɔ Israel lwɛmkpeɡ tena la be ŋɔ men Nemenɛ Korowii dɛ bol kɛŋɔ, ‘Israel tena, waa maa kia hɛɛ ɛ la maɡre ɡɛ.

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Amanesoma Luk Aa Chwera Tɔn 8:10

Anee o ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola, ásɛ a ɛ ɡɛ baa chwera ŋɔ, ‘Ba dɔ sibie kɛ baa na, dɛ dɔ deŋna kɛ baa no, baa waa mun jemɛ.’

Amanesoma Jɔn Aa Chwera Tɔn 12:40

“Korowii tɔɔɡe ba sie, dɛ ɡel ba bambile do kpeɡri, ɡɛ aa ɛ ba sibie bɛ na, ásɛ ba liiree bini bɛ chaah ba no a mun, á ba ɛ kɛ baa charɛ ba liire dɛ́ ba o be ó chaah ba.”

2 Kɔrent 3:14

Israel tena fa aa waa la mun no. Taraken ɡba, ɡɛɛ ba ta do. Baa dɛ kure fɔobene la waa la, a ta do kɛ baa kpɔ yachaahne tɔ ba sie. Ba ta Yeesu Kristo waa lɛɛ yaa, yachaahne la aa ba sie lee ba.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

Mmarare 29:3

He na wekpeɡa ne waa aa chiɡa ne nyokpowaa Korowii aa ɛa kohona.

Mmarare 29:4

Kɛ kpoŋe ba le fini Korowii saa he liire, dɛ tɛ heyaa sibie aa wola kasinteŋ laanee na, ne deŋna aa wola kasinteŋ laanee no.

Mmarare 31:27

Mosis ŋɔ sɔfore la be ŋɔ, “N jemɛ he lwɛmkpeɡ ne he habɔɔ bera dɛ́ kpo Korowii wa. Hale n ne haa lole n ta sewɛ mɔɔ nɔ, he fa berɛ habɔɔ kpo Korowii. Hɛ́ɛ ɛo ɡwaa ɡɛ n seo habɔɔ.

Mmarare 9:24

Le ɡɛ saŋ maa jemɛ heyaa bwaa he le ɛ Korowii lwɛmkpeɡ.

Mmarare 9:7

Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.