Ɛsekeɛl 11:9 - mzwDBL

⁹ Mɛɛ doŋi heyaa le bwɛjen nɔ ta, dɛ́ kpɔ heyaa do nɛŋhɔɔhra nɔn ta, dɛ́ tɛr he deŋne.

Ɛsekeɛl 11:9 ပူးပေါင်းရင်းမြစ်များ

Ɛsekeɛl 5:8

Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta.

Yela 106:41

He vɛɛh ba tɛ nɛra baa wola hen Korowii tomɛ la, asɛ ba do ba lɔɡa dɛɛ tom ba.

Mmarare 28:36

Mosis berɔ ŋɔ, “Wɛɛ kpɔ he ne he kooroo kaa harɛ he ne he naawa aa wola bela jemɛ, ásɛ he kaa tomɛ voɡa, kwaa baa kpɔ daa ne bwea ɛa.

Ɛsekeɛl 16:41

Baa fuh he deenee, dɛ́ tɛr he deŋne haahna baa wara siwi ta. Mɛɛ ɡeloo he jwamane la bwa ba a jaɡa, haa won dɛɛ tɛ nɛra haa dɛ nyin ba la suuɡa kpa.

Tɔn Jud Aa Chwera 1:15

dɛ́ ba bol nɛra bwa waa dɛ́ pa bole. Wɛɛ pa ba bolchɔɡe ba wechɔɡa baa ɛa dɛ vɛh Korowii waa ta teŋa la waa, dɛ́ pa nɛra baa wola Korowii tomɛ bolchɔɡe ba nɛnhɛlwobochɔɡa baa bola dɛɛ yaɡɔ la wa.”

Tɔn Pɔɔl Aa Chwerɛ Rom Tena 13:4

dɛkalkɛŋɔ Korowii bonɔɔnaa ban. He kɛrɛdɛ waa baa ɛ ba toma la. Dɛ he dɛ ɛ wechɔɡa te naa, dɛɛ ɔmɛ nomonome, dɛkalkɛŋɔ pɛɛpɛɛ laa ba dɔ kpeɡri baa kpoŋa la. Korowiirii tɛɛ ba kpeɡri ásɛ ba tɛr wechɔɡ-ɛɛra deŋne dɛɛ tɛo.

Amanesoma Jɔn Aa Chwera Tɔn 5:27

asɛ dɛ tɛo kpeɡri kɛ ó won dɛɛ bol nɛra waa dɛɛ pa bole, dɛkalkɛ o Bie laanee Nɛn Bie la.

Ɛsekeɛl 30:19

Gɛɛ mɛɛ ba Ijipt tena deŋne tɛra, ásɛ ba jemɛ kɛŋɔ menee Korowii.”

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Ɛsekeɛl 16:38

Mɛɛ tɛr he deŋnee kɛ haahna baa dɛ le ba jaranar habɔɔ, dɛɛ kpoo nɛra la ken. Mɛɛ kpɔ n bandia kohonaa ba ta he nɛ, dɛ́ kpoe bɔ kem.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Jeremia 39:6

Babelɔn kooro kpoo Kooro Sedekia bibaala o siwi ta Ribla bela, dɛ kpoo Juda nomonjena ɡe bwa,

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Yela 106:30

Kɛ Fenehas iro, dɛ tɛr nɛra baa di a bolchɔɡe la deŋne, asɛ hen Korowii ɡel weechɔɡa la nyoa sɔɔh.

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

Jeremia 29:20

Korowii berɔ ŋɔ, “Anomanta, hé cheɡ deŋne dɛ́ɛ no men Korowii wa, he nɛra maa ɡela ba lawɛ heyaa le Jerusalam kaa bojaŋ harɛ Babelɔn la.

Ɛsekeɛl 11:7

Anomanta, men Nemenɛ Korowii ŋɔ, ‘Nɛra haa kpoo ba perɛ bobɛlbwa laanee ola la, asɛ bwɛjen nɔ ɡee vii la. Kɛ mɛɛ doŋi heyaa le o ta.

Ɛsra 9:7

Le ya naawa bere saŋ ba le fini, ya wechɔɡa kan kohona. Anomanta, ya ne ya koranar ne sɔfore bwaa harɛre ane koranar lawɛ laa ta dɛ kpoo yaa, dɛ pa ya laala kaa. A ɡel sihiih kpo yaa, asɛ ya do ba lɔɡa ba le fini nɔ.