Ɛsekeɛl 11:5 - mzwDBL

⁵ Korowii Doma la baa so n nɛ, asɛ dɛ ŋɔ ń bol Israel tena be ŋɔ, “N jemɛ waa haa dɛ bol, ne anɔ la haa dɛ vɔrɔwe bwa ɡe.

Ɛsekeɛl 11:5 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 11:20

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Ɛsekeɛl 2:2

Waa dɛ bol waa la, o Doma baa so n nɛ dɛ ɡɔɔ mɛ ir che, asɛ mɛɛ no o wobol la.

Ɛsekeɛl 2:7

Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa.

Ɛsekeɛl 20:32

He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 3:11

La he bwɛɛ tena baa lawɛ he ne ban ba Babelɔn bonɔ la be ka ŋɔ, ba vɛoh woo ba ta vɛɛh yoo, ŋɔ ba be. Kenii men Nemenɛ Korowii ɛɛ bol.”

Ɛsekeɛl 3:24

Korowii Doma la baa so n nɛɛ dɛ laɡ mɛ ir che, dɛ bol waa n be ŋɔ, “Kaa he dem dɛ́ ka laa ɡbera tɔ he nɛ.

Ɛsekeɛl 3:27

Dɛ n berɔ dɛɛ ba ba bol waa he be ja aa, mɛɛ ɡeloo he won bol wa, dɛ́ bol ba be ŋɔ kenii men Nemenɛ Korowii ɛɛ bol, ‘Bɛlbwa waa no la ɛɛ noo, bɛlbwa waa wola no la ɡe aa no, dɛkalkɛ deŋnekpeɡ tenaa wubwa.’ ”

Ɛsekeɛl 8:1

Baa lawɛ yaa kaa harɛfale ta bene anumɛl korobinumɛl tɔpenue ta la, dɛ men Ɛsekeɛl soɡe n dem, asɛ Juda tena nomonome la cheme n sie, asɛ Nemenɛ Korowii Doma den ba so n nɛ.

Amanesoma Mak Aa Chwera Tɔn 2:8

Belaa Yeesu aa jemɛ waa baa liira la, asɛ o ŋɔ ba be ŋɔ, “Ɛrɛɛ hɛɛ lii ɡɛ nɔɔ?

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

We-ɛɛla 10:44

Pita ta aa dɛ bol waa la, dɛ Korowii Domadɛɛɡe baa so nɛra baa dɛ no o wobol la bwa nɛ.

We-ɛɛla 11:15

Maa la o be la, maa pa mun dɛɛ bol waa la, dɛ Korowii Domadɛɛɡe la baa so o ne o dem tena nɛɛ kɛŋɔ waa baa so ya nɛɛ loɡla la.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Samoɛl 10:10

Baa tel Gebea la, Korowii keamere teŋɛ dɔŋa nɛɛ ba chemo, asɛ Korowii Doma ba so o nɛɛ kpeɡri nɛ, o ka ja ba nɛ baa bol Korowii waa aa dɛ ba bala kerekere.

1 Samoɛl 10:6

Korowii Doma ɛɛ ba so he nɛɛ kpeɡri nɛɛ, dɛ́ beɡre nɛnfale, ásɛ he ne ba bwa ɛɛ bol Korowii waa aa dɛ́ ba bala kerekere.