Ɛsekeɛl 11:22 - mzwDBL

²² Kerobim la paɡri a kena dɛ ir, asɛ saaker nakpale la ja a nɛ, asɛ Korowii Israel tena aa dɛ tomɔ la jirima chaah kohona dɛ tɔ a nɛ.

Ɛsekeɛl 11:22 ပူးပေါင်းရင်းမြစ်များ

Ɛsekeɛl 10:19

Maa nyiŋa la, n nao kɛ Kerobim la paɡri kena dɛ ir kaa nyundua, a ne saaker nakpale la. A kaa che Korowii Dea wee leebɔr doonyoa la ta, asɛ Korowii Israel tena aa dɛ tomɔ la jirima tɔ a nɛ.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Ɛsekeɛl 9:3

Belaa Korowii Israel tena aa dɛ tomɔ la jirima le Kerobim la ta, bela o fa aa lole la, dɛ kaa Dea la doonyoa. Korowii ŋɔ baa la waa tɔ yapoŋ asɛ kwaa waa kpɔ chwerɛ do o be la be ŋɔ,

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.